НАСКОРО НОВА МЕРКА: Во одредени објекти ќе се влегува само со примени две дози вакцини, не е исклучена и можноста за задолжителна вакцинација

Добивај вести на Viber

Министерот за здравство Венко Вилипче денеска изјави дека засега здравствените власти не размислуваат за воведување задолжителна вакцинација, но дека ваквата можност не е исклучена особено во некои сектори. Вели дека се ќе зависи дали досегашниот опфат на вакцинацијата ќе продолжи и натаму да ги намалува бројките.

-Очигледно дека вакцинацијата го прави своето. Дека има ефект од овој процес е докажано и беше докажано во градовите во кои болниците воопшто не се преоптоварија. И доколку се заразат вакцинирани лица тоа ќе биде со полесна форма на болеста и тоа е нешто што се следи и во другите земји каде е прилично висок опфатот со вакцинација, нагласи Филипче.

Истовремено, министерот потенцираше дека наскоро би можело да биде воведена нова анти-ковид мерка, за што во вторник ќе дискутира Комисијата за заразни болести, а тоа се однесува на задолжителни две дози до вакцината против корона вирусот за да може да се влегува во одредени објекти каде е потребен сертификат за вакцинација.

-Ќе може да влегуваат само вакцинирани со две дози, наместо како досега само со една. Освен тоа, засега не се размислува за други мерки, истакна Филипче.

Инаку, според него не би требало да има силен бран на корона вирусот, но, како што рече, „тоа не значи дека не треба да сме внимателни и треба да ја следиме состојбата“.

А. Б.