НАТО одреди претставник во преговорите со Македонија
Објавено во: Македонија 12 Јули, 2018
По добивањето на поканата од страна на НАТО, Џејмс Мекеј е одреден да биде главен претставник на Алијансата во пред-пристапните преговори со Македонија.
Станува збор за административец од одделот за политички и безбедносни прашања во НАТО
Се очекува тој прв пат да ја посети Македонија до крајот на месецов.
Висок извор за Алсат М наведува дека претпристапните преговори со НАТО може да се сметаат како започнати од моментот на добивање на поканата за членство.
Според праксата со најновите членки примени во НАТО (Црна Гора, Албанија, Хрбатска) се очекува преговорите да завршат најдоцна до март 2019 година, до кога Македонија ќе треба да го финализира договорот со Грција,.
Членките на НАТО би започнале со ратификацијата на протоколот за пристапување.
Целокупниот процес на пристапување, се очекува да биде завршен во рок од 18 месеци.