НАУТРО СМРЗНУВАЧКА, ПРЕКУ ДЕН „ПОЛАБАВО“ - еве какво време ќе имаме до понеделник
Објавено во: Македонија 08 Февруари, 2025 10:00
До понеделник (10 февруари) нашата територија ќе се наоѓа под влијание на ладна, но сува воздушна маса која продира од источните и од североисточните предели на Европскиот Континент. Времето ќе биде претежно сончево, со појава на мала до умерена локална облачност и со појава на магла по котлините, и тоа во утринските часови, најавува метеопрогнозерот Славчо Поповски.
Ќе биде и понатаму ладно, особено наутро и во ноќните часови кога температурите насекаде низ Македонија ќе се спуштаат под нулата, а особено во Беровскиот регион, планинските места, секако, вклучувајќи ги и Скијачките центри температурата ќе се спушти до околу, па и под -10 степени. Максималните дневни температури на воздухот пак ќе се искачуваат во интервалот од 3 до 9/10 степени во југоисточните предели од Македонија.
Во Скопје исто така до понеделник ќе имаме стабилно и суво време, особено наутро и ладно. Наутро температурата ќе се спушта до околу -2/-3 степени, а преку ден таа ќе се искачува до околу 9/10 степени.
Можеби ќе ве интересира
Агелер: Без разлика дали има пристапни преговори патоказот постои, сакаме да видиме повеќе напредок на тој план
МВР отвора шалтер за „Безбеден град“ - граѓаните ќе можат да ги ажурираат контакт-податоците
Собранието ја изгласа потребата од носење на Предлог законот за Судски совет
Министерство за здравство ќе спроведе вонреден инспекциски надзор за смртта на новороденчето
Нема да има огномет од Град Скопје за Нова година?
Собранието го констатираше престанокот на функцијата на обвинителот Коцевски
