НДМ побара од Заев ветување за истрага на масакрите во Вејце, Карпалак и Љуботенски пат

Добивај вести на Viber

Народно движење за Македонија изразува крајна вчудоневиденост од вчерашната најава на Заев при промовирањето на неговата програма дека ќе ги испитува само случаи како што се Дива Населба, Сопот, Бродец… а за кои се заинтересирани од ДУИ со оглед дека македонските Албанци немале верба во македонското правосудство.

Оттука. НДМ го повикува Зоран Заев да ја прошири и надгради својата програма со ветување дека ќе ги расчисти случаите за кои се заинтересирани и Македонците како што се Карпалак, Вејце и Љуботенски пат, а во кој бранителите беа пратени во заседа и мораа да загинат во одбраната на територијалниот интегритет и суверенитет на државата.

Дотолку повеќе, овие случаи и понатаму остануваат мистерија бидејќи ниту еден државен орган не се обиде да направи истарга за да утврди што точно се случи со загинувањето на бранителите кај Карпалак, Вејце и Љуботенски пат во едни од најкрвавите и најбрутални масакри во поновата македонска историја од страна на терористичката ОНА сега камуфлирана во политичката партија ДУИ.

НДМ повикува на одговорно однесување и силно го охрабрува Заев да вети дека ќе ги отвори и Карпалак, Вејце и Љуботенски пат како случаи кои се од интерес не само за семејствата и роднините на загинатите туку и за Република Македонија, бидејќи, не можеме да гледаме напред во иднината доколку минатото и понатаму не прогонува и контроверзната загуба на македонските бранители останува неразјаснета“, се вели во соопштението на НДМ.