НЕ Е ДРАСТИЧНО, АМА ТРГОВЦИТЕ ГИ НАМАЛИЈА ЦЕНИТЕ - што покажаа контролите на инспекторите

Добивај вести на Viber

Директорката на Државниот пазарен инспекторат, Анета Симеска Димоска, за Фактор вели дека таа од своите колеги пазарни инспектори била известена дека трговците вчера постапувале по владината одлука и во најголем дел ги намалиле цените на основните производи, иако можеби не драстично.

Повеќе прочитајте тука.

„На терен беа пуштени меѓу 50 и 60 пазарни инспектори, бидејќи дел од колегите ги користат годишните одмори. Буквално сите пазарни инспектори што се на работа беа на терен цел ден“, ни изјави Симеска Димоска.

Вчера попладнето конкретните податоци од контролите на инспекторите се уште се сумираа.

„Инспекторите беа цел ден на терен и ја скенираа состојбата, се прават записници, и од она за што првично сум информирана до 14.30 часот (вчера-н.з.), е дека трговците веќе ги менуваат цените, односно ги корегираат надолу, и тоа е констатирано во најголемиот број случаи. Можеби намалувањето на цените не е драстично како што јавноста очекувала, но тоа зависи од тоа за колку треба да се намали маржата, а цените се намалуваа меѓу 5 и 10 отсто. Значи, генерално е утврдено дека трговците ги усогласувале цените согласно владината одлука“, објаснува Симеска.