Не кредете песок од италијанските плажи
Објавено во: Свет 07 Октомври, 2017
Италијанските власти се однесуваат многу заштитнички кон своите плажи и предвидуваат многу високи казни за туристите кои би земале песок како спомен, со цел да се заштити природата и специфичноста на песокот.
Владата на Сардинија неодамна го заостри законот и забрани земање песок дури и во мали количества, како и каменчиња, кварц и школки.
Според законот воведен ова лето, секој што „ќе земе, задржи или продаде мали количества без дозвола“ ќе се соочи со казна меѓу 500 и 3.000 евра. Мерката е резултат на фактот што песокот во големи количества се носел од плажите, наведува туристичката асоцијација.
Наведувајќи ги локалните извештаи, британски BBC пренесува дека само во трите летни месеци од 2015 година речиси пет тони песок се задржани на аеродромот Елмас. Песок е откриван и на други два аеродрома, Алгеро и Олбиа.
Плажите на Сардинија со создавале во текот на милиони години. „Земањето мало шишенце песок не изгледа многу, но ако тоа го прават милиони туристи, тони и тони секоја година ќе исчезнуваат“, велат италијанските власти