Неготино со нови улици и водоводна мрежа
Објавено во: Македонија 05 Ноември, 2012
Како што информираше тој, за асфалтирање и бекатон коцки на улицата долга 800 метри во селото Тремник, ќе се потрошат околу 10 милиони денари од кои 5,5 милиони обезбедени од Агенцијата за рурален развој при Министерството за земјоделство, шумарство и водостопанство на Република Македонија, а остатокот од општинскиот буџет.
„Ја саниравме и водоводната линија на улицата „Владо Арсов Шпанац“ со што се подобри состојбата со водоснабдување на жителите од населбата „Саат кула“, за што беа потрошени еден милион и 600 илјади денари општински пари. Се реконструира и водоводната и фекалната мрежа на улицата „11 Октомври“. Инвестицијата е вредна над пет милиони денари а парите се обезбедени од Европската инвестициска банка преку Министерството за транспорт и врски, нагласи Трајков. Од општинскиот буџет, пак исто така се издвоени 10 милиони денари за уредување на мостот на Тимјаничка река и улицата пред и после овој мост која ги спојува улиците „Антон Пеган“ и „Владо Арсов Шпанац“, а исчистен е и колекторскиот систем од новиот мост до градскиот пазар во должина од еден километар, дополни градоначалникот.