Неизвесноста на изборите во Италија ја намалија цената на нафтата
Објавено во: Свет 26 Февруари, 2013 11:08
Цените на нафтата паднаа претпладнево, како последица на неизвесниот резултат од изборите во Италија, кој, според аналитичарите, претставува закана за стабилноста на земјата и за опоравувањето на еврозоната.
Нафтата на Њујоршката берза се намали за 65 центи, достигнувајќи цена од 92,46 долари за барел. Европската нафта „брент“, која се користи за одредување на цените на различни видови странска нафта, поевтини за 79 центи на 113,65 долари за барел.„Непредвидливите избори во Италија испратија сигнал ширум глобалните пазари... предизвикувајќи паника дека неодамна започнатото опоравување на еврозоната би можело да биде загрозено. Резултатите од изборите поттикнаа страв дека многу потребното штедење во Италија ќе биде блокирано поради политичката неизвесност„, оцени консултантската куќа „ИГ Маркетс“ од Сингапур.
Коалицијата на левиот центар „Италија заедничко богатство“ (ИБЦ) на Пјер Лујџи Берсани извојува тесна победа (29,56% од гласовите) во Долниот дом од Парламентот пред блокот на десницата на поранешниот италијански премиер Силвио Берлускони (29,17 %), но не успеа да обезбеди мнозинство и во Сенатот. За формирање влада потребно е мнозинство во двата дома.
Можеби ќе ве интересира
Путин: Европските свињи веднаш се приклучија на работата на претходната американска администрација
Русија остави простор за разговори за странски сили во Украина
Трамп нареди „целосна блокада“ на санкционираните танкери за нафта што доаѓаат и заминуваат од Венецуела
Претставник на српска компанија за оружје починал под сомнителни околности во Москва
Европска земја ќе произведува десетици илјади дронови годишно за Украина
Ова ја вознемири Русија: Ги прашувал учениците за националноста, па ги избодел
Австралискиот премиер го посети во болница херојот на Бонди: Ахмед ал-Ахмед e „најдоброто од нашата земја“
