НЕМА ДА ОДАТ ВО ЗАТВОР: Пратениците изгласаа амнестија за прекршителите на Ковид протоколите
Објавено во: Македонија 20 Март, 2023
Амнестија има за прекршителите на Ковид протоколите. Собранието го изгласа Законот за амнестија за прекршителите на Ковид протоколите за време на пандемијата, со што стотици граѓани се спасија од затворски казни и добија само „условна осуда“.
Пратениците го изгласаа законот со 76 гласа „за“ и еден „против“. Причина за ваквото законско решение е големиот број предмети во Основниот кривичен суд Скопје, што предизвика притисок врз затворите.
Поради прекршување на протоколите на голем број граѓани им беа изречени парични казни. Бидејќи не можеа да ги платат казните, некои од нив требаше да завршат во затвор. Овој закон, поднесен од група пратеници, овозможува досудените казни да се заменат со условни. Повеќето од должниците се луѓе кои живеат од социјална помош. Во текот на пандемијата на коронавирусот, имаше полициски час и строги ковид мерки.