НЕМА НАМАЛУВАЊЕ НА КАЗНИТЕ ЗА УБИСТВОТО НА ДЕНИС ТОТ: Врховниот суд ја отфрли жалбата на адвокатите на Анџело, Клементина и Андреј
Објавено во: Мои пари 09 Февруари, 2024
Врховниот суд донесе пресуда по предметот за убиството на
хрватскиот ракометар Денис Тот, со која се отфрла жалбата на одбраната.
„Советот за казниви дела при Врховниот суд на Република Северна Македонија одлучуваше по поднесените барања за вонредно преиспитување на правосилна пресуда, по предметот за убиството на хрватскиот ракометар Денис Тот. Советот за казниви дела при Врховниот суд на Република Северна Македонија донесе пресуда КВП2-101/23, со која барањата за вонредно преиспитување на правосилната пресуда, поднесени од осуденитe А. Ѓ., К.Л. и А.К. против пресудата на Основниот кривичен суд Скопје К.бр.1768/22 од 30.11.2022 година и пресудата на Апелациониот суд Скопје КЖ-224/23 од 05.06.2023 година, ги одби како неосновани“ – се вели во известувањето на Врховниот суд.
За убиството на хрватскиот ракометар, Денис Тот, Кривичниот суд ги осуди Анџело Ѓорѓиевски и Клементина Левковска на 18 години затвор, а Андреј Костовски на 16 години затвор.