„НЕМА ШИРЕЊЕ НА НИКАКВА ГЕЈ ПРОПАГАНДА ВО ПРВО ОДДЕЛЕНИЕ“: Ова е најмалициозна лага, ОУ „Кирил и Методиј“ со сите детали за домашната задача

Објавено во: Македонија 31 Март, 2023
Домашната задача „Рецепт
за среќно семејство“ наменета за првачињата во ОУ „Кирил и Методиј“ во Скопје, предизвика
бурни реакции во јавноста, посебно илустрацијата на двајца мажи и едно дете, за
што граѓаните оценија дека станува збор за геј пропаганда. Во обид да дојде до
одговори дали материјалот е дел од наставната прогреама за учениците од прво
одделение и дали навистина станува збор за геј пропаганда, Фактор се обрати до
Министерството за образование и наука.
Оттаму нагласија дека содржината која е реализирана во ОУ „Кирил и Методиј“ не е застапена во соодветната наставна програма за прво одделение.
-Наставата во училиштата се реализира согласно наставни програми изготвени од страна на Бирото за развој на образованието и посочената активност, односно содржина која е реализирана во ОУ „Кирил и Методиј“ не е застапена во соодветната наставна програма за прво одделение. Наставниците индивидуално или на ниво на колектив одлучуваат за формите и методите што ќе ги применат со цел ефикасна реализација на наставните содржини и достигнување на стандардите за постигањата на учениците. Во конкретниот случај, согласно информациите од училиштето, станува збор за наставен лист кој наставничката сама го споделила со учениците по наставниот предмет општество, без да обрне внимание на илустрацијата, но и без намера за каква било пропаганда, соопштија од МОН.
Од основното училиште „Свети Кирил и Методиј“ велат дека зад веста која беше објавена во медиумите „се крие малициозна тенденција за искривување на фактичката состојба во нашето училиште“.
-Одговорно тврдиме дека ова не е точно и ја демантираме во целост оваа злонамерна конструкција против нашето училиште.
Бидејќи содржината не е застапена во наставната програма за првоодделенците, Фактор праша дали станува збор за пилот, од каде што одговорија:
-Не станува збор за никаков пилот проект. Станува збор за стандардна методска единица Мојот дом и семејство според наставната програма за прво одделение. На фотографијата која ни ја доставивте е наставен лист, како завршна активност од часот и не соодвествува со целокупниот тек на часот. Истиот содржи воведен дел, главен дел и завршна актвиност. Истиот е во корелација со содржините по предметите македонски јазик, ликовно и музичко за прво одделение со точна дефиниција за целите на часот. А целите на часот се улоги и одговорности во домот (грижа, возрасни ,задолженија, одговорност и хигиена), покрај дискусија на прашања-мојот дом моето семејство, видови семејства (потесно и пошироко семејство, еднородителски семејства, старателско и згрижувачко семејство). Во објавената слика, односно завршна активност од часот, се претставени татко со синови и мајка со ќерка (еден пример на еднородителско семејство и пример на згрижувачко семејство) кое е извадено од контекст и крајно надвор од здраворазумие, велат од училиштето, вели за Фактор директорката, Соња Кирковска.
Ова не е одлука и желба на одговорните наставници, додаваат оттаму, напротив станува збор за одговорни наставници кои најпрофесионално ги потготвуваат и планираат часовите според сите стандарди. На Вашето прашање „какви мерки ќе превземеме“, следи наш јавен демант за оваа искривена вистина односно лага дека вршиме геј пропаганда кај најмалата возраст на ученици.
Во доставените одговори, од училиштето испратија и демант и извинување од родителот кој ненамерно ја објавил погрешната информација.
Анита Буховски
* Наградата се доделува на котирано друштво, избрано со гласање преку онлајн анкета на веб страниците на Берзата и интернет порталот „Фактор“, кој е партнер на Берзата во доделувањето на оваа награда. Гласањето се врши паралелно на двете веб страници и акцијата на издавачот што ќе има најмногу гласови од двете анкети збирно, ќе биде прогласена за Акцијата на годината по избор на јавноста за 2023 година.
Предмет на анкетата е листа од десет котирани акции, избрани врз основа на остварениот промет и транспарентноста во нивното работење.
Можеби ќе ве интересира
НОВИНАРОТ ГОРАН МОМИРОСКИ ПРАШУВА: Дали имало претходен обид за грабнување на Вања Ѓорчевска?

„СЕУШТЕ НЕ СЕ ИСКОРИСТЕНИ СИТЕ ПРАВНИ ЛЕКОВИ, НО ВЕРУВАМ ДЕКА БРЗО ЌЕ БИДЕ ЕКСТРАДИРАН“ - Лога вели дека неколку пати Правда испратила документи во Турција
Анѓушев до антикорупционерката Ивановска: Не сум сопственик на ЕУРОНИКЕЛ (ФЕНИ), каде на други места давате неточни податоци за мене?

ПЕТМИНА ВОЗРАСНИ И ДВЕ МАЛОЛЕТНИ ДЕЦА СЕ ЗАТРУЛЕ СО ХЛОР ВО ХОТЕЛСКИ БАЗЕН ВО ОХРИД - надлежните го расчистуваат случајот
СО СИЛА, СО ЗАКАНИ И СО ПИШТОЛ КОН ВРАБОТЕНАТА - тројца не толку млади скопјани одзеле 1.300 евра од обложувалница

ЛАТАС: СВОЕВРЕМЕНО И ЈАС ИМАВ УПЛАТЕНО ЗА СТАН КАЈ ПАЛЧО, 10.000 ДОЛАРИ - но се откажав кога видов дека сум трети на список за истиот стан, никогаш не ми ги врати парите

НАЈМНОГУ СЕ ЈАВУВАЛЕ ЗА ИТНА МЕДИЦИНСКА ПОМОШ, АМА НЕКОИ И НЕ БИЛЕ БАШ ИТНИ - еве зошто вчера најмногу ѕвонеле во ЦУК

ПОЛИЦИЈАТА ГО РАСЧИСТИ СЛУЧАЈОТ ВО КАРБИНЦИ, НЕМА КРИВИЧНО ДЕЛО - но, што кажал 20-годишникот
