07 Декември, 2022
0.0464

НЕМА СУБВЕНЦИИ ЗА ОЏАЦИТЕ-ОНЛАЈН НЕ МОЖЕ ДА СЕ АПЛИЦИРА, ДОКУМЕНТИТЕ ФИЗИЧКИ НЕ ГИ ПРИМААТ: „Данела е целосно неподготвена за Градот“

Објавено во: Македонија 07 Октомври, 2022

Добивај вести на Viber

Граѓаните на Скопје брзаат до крајот на ноември да ги поднесат потребните документи со кои сакаат да аплицираат за субвенции кои ги дава градот Скопје за чистење на оџаците. Но, за Фактор велат дека имаат сериозен проблем. Документите мора да ги поднесат само електронски, но страницата не функционира. Истовремено, се обиделе и директно да ги достават документите во една од бараките на Град Скопје, но таму не им ги примаат, укажувајќи дека аплицирањето е само онлајн.

-За таа симболична сума од 1.200 денари, која впрочем нам пензионерите и тоа како ни значи, се малтретираме со денови. Јас платив за чистење на оџакот 2.000 денари, зошто да не добијам 1.200, па чистењето да ми излезе само 800 денари. Живеам од пензија и секој денар ми значи. За да аплицираме онлајн замолуваме внуци, помлади соседи, пријатели кои знаат со компјутери, но, овој пат и ним не им успева аплицирањето, бидејќи тоа не функционира. Не може да се поднесат документите. Бидејќи на тој начин не можеме да доставиме документи, повторно истите наши блиски луѓе ги замоливме да ги однесат документите директно во Градот. Таму им рекле дека не смеат да им ги примат и дека ако сакаат субвенции, мора само по електронски пат. Конкретно, мојот внук им укажал дека таа платформа не функционира, а на тоа добил одговор дека не е прв што се пожалил, но дека едноставно нема друг начин да се добие субвенција. Ова, според мене значи дека воопшто нема да има субвенции за чистење на оџаците заради технички проблеми и неспремност на службите во градот ова да го решат. Градот Скопје, раководен од актуелната Данела никогаш не бил во покатастрофална состојба. Неа воопшто не и е грижа ниту за градот, ниту за нас граѓаните, жената е целосно не снајдена во раководењето со главниот град, вели пензионерот Петре. Л од Скопје.

Извори за Фактор од Град Скопје потврдија дека постои технички проблем, посочувајќи дека може да се најде решение, но дека градоначалничката воопшто не разговара со службите во градот, и тоа не само за ова прашање, туку и за други сериозни проблеми.

-Фирмата која беше задолжена да ја направи платформата го исполни целосно својот договор и тој договор веќе заврши. Сега е потребен нов тендер со цел да се избере компанија која ќе ја одржува и сервисира редовно платформата за да не се соочуваат граѓаните со ваков технички проблем. Но ниту тендер е распишан, ниту пак ИТ службите во Градот можат да го решат овој проблем. Истовремено, документите физички не им ги примаат на граѓаните, бидејќи во повикот кој беше објавен уште во јуни беше прецизирано дека аплицирањето е само електронски. Инаку, има доволно средства за сите што аплицираат за чистење на оџаците. Овој проблем може многу едноставно да биде надминат, да се ангажира надворешна фирма со договор на дело, а постојат и уште еден куп други начини како тоа да се реши без да се направи каков било правен прекршок, но градоначалничката едноставно не разговара. Во тоа е најголемиот проблем. Бројката на граѓани не е голема, а сумата е навистина симболична, брифира изворот за Фактор.

Дел од граѓаните кои се обидуваат да аплицираат за субвенции се обратиле исто така до градоначалничката со мејлови, но досега немаат никаков одговор.

Инаку, во повикот за аплицирање за субвенции за чистење на оџаците детално е објаснето зошто е тоа навистина важно.

Најголемиот проблем во областа на заштитата на животната средина, со кој се соочува Градот Скопје, е нарушениот квалитет на амбиентниот воздух во градот, особено со партикуларните честички (ПМ10 и ПМ2,5). Една од поголемите причини за емисија на овие честички е затоплувањето на објектите кои не се приклучени на централно греење, пред се, заради нецелосното и несоодветно согорување на огревното дрво, несоодветниот квалитет на дрвото и начинот на негово чување и употребата на стари, дотраени и технички неисправни печки, како и нередовно одржување на оџаците.

Анита Буховски 


Наградата се доделува на котирано друштво, избрано со гласање преку онлајн анкета на веб страниците на Берзата и интернет порталот „Фактор“, кој е партнер на Берзата во доделувањето на оваа награда. Гласањето се врши паралелно на двете веб страници и акцијата на издавачот што ќе има најмногу гласови од двете анкети збирно, ќе биде прогласена за Акцијата на годината по избор на јавноста за 2022 година.
Предмет на анкетата е листа од десет котирани акции, избрани врз основа на остварениот промет и транспарентноста во нивното работење.

Можеби ќе ве интересира

Автобусите и натаму ќе блокираат, а Ленин Јовановски се повлекува од протестите

Автобусите и натаму ќе блокираат, а Ленин Јовановски се повлекува од протестите

Чулев: Македонија стана логистичка база за поддршка во издавање документи на сомнителни лица

Чулев: Македонија стана логистичка база за поддршка во издавање документи на сомнителни лица

СКОПСКО со нов проект во партнерство со Министерството за животна средина и просторно планирање и Пакомак

СКОПСКО со нов проект во партнерство со Министерството за животна средина и просторно планирање и Пакомак

ГО ВРТЕВ ЦЕЛО СКОПЈЕ, ДВА ЧАСА МИ ТРЕБАА ДА СТИГНАМ ДО РАБОТА, блокадите продолжуваат трет ден, Скопјани револтирани

ГО ВРТЕВ ЦЕЛО СКОПЈЕ, ДВА ЧАСА МИ ТРЕБАА ДА СТИГНАМ ДО РАБОТА, блокадите продолжуваат трет ден, Скопјани револтирани

Притвор за ресенчанка, пијана предизвикала сообраќајка со смртни последици на совозачот

Притвор за ресенчанка, пијана предизвикала сообраќајка со смртни последици на совозачот

Бујар Османи: САД досега ни помагаше со пари против корупцијата, ама отсега со експерти

Бујар Османи: САД досега ни помагаше со пари против корупцијата, ама отсега со експерти

Загинатото момче на мотоцикл во Козле имало само 14 години, осомничен 53-годишен возач

Загинатото момче на мотоцикл во Козле имало само 14 години, осомничен 53-годишен возач

И НАРОДНА БАНКА ПОД ЗАКАНА, дојава за бомби и во девет средни училишта

И НАРОДНА БАНКА ПОД ЗАКАНА, дојава за бомби и во девет средни училишта

НОВИ ДОЈАВИ ЗА БОМБИ ВО СРЕДНИТЕ УЧИЛИШТА ВО СКОПЈЕ, заканите никако да престанат

НОВИ ДОЈАВИ ЗА БОМБИ ВО СРЕДНИТЕ УЧИЛИШТА ВО СКОПЈЕ, заканите никако да престанат