Неофицијално крвна одмазда е мотив за нападот во Батинци
Објавено во: Македонија 03 Јули, 2024 10:03
Полицијата сеуште трага по убијците откако во утринските часови во Батинци едно лице почина, а едно е поврдено и пренесено во Ургентниот центар во Скопје по пукањето од автомобил „мерцедес“.
Последната информација од МВР е дека кон двајцата браќа било пукано од автомобил, и дека полициските екипи работат на пронаоѓање на сторителите и расчистување на случајот.
На местото на настанот починал А.Б.И., а З.И. се здобил со повреди и е пренесен за укажување лекарска помош во Ургентен центар-Скопје.
Напаѓачите биле маскирани, а нивниот „мерцедес“ имал германски регистрациски таблички. Неофицијално,напаѓачите се упатиле кон село Драчевица, а областа беше пребарувана со полициски хеликоптер.
За мотивите на нападот сè уште нема точни информации, но се претпоставува дека може да биде поврзано со крвна освета за инцидент што се случил пред околу 15 години, кога било убиено дете, што ги принудило браќата, кои биле мета на непознатите напаѓачи, да се скријат во Италија.
Можеби ќе ве интересира
Агелер: Без разлика дали има пристапни преговори патоказот постои, сакаме да видиме повеќе напредок на тој план
МВР отвора шалтер за „Безбеден град“ - граѓаните ќе можат да ги ажурираат контакт-податоците
Собранието ја изгласа потребата од носење на Предлог законот за Судски совет
Министерство за здравство ќе спроведе вонреден инспекциски надзор за смртта на новороденчето
Нема да има огномет од Град Скопје за Нова година?
Собранието го констатираше престанокот на функцијата на обвинителот Коцевски
