Нереални снимки од срцето на ураганот: Ова „чудовиште“ се заканува да уништи сè, се спрема целосен хаос!

Добивај вести на Viber

Националната океанска и атмосферска администрација на САД (NOAA) објави снимки од „окото“ на ураганот Мелиса, најмоќната бура во светот оваа година.

Тим од таканаречени „ловци на урагани“ мораше да ја прекине својата мисија за собирање податоци за бурата кратко по влегувањето во неговото око, поради екстремно силни турбуленции. Најновите податоци покажуваат дека Мелиса е посилна од ураганот Катрина, кој ја опустоши Луизијана во 2005 година.

Авион со турбопропелер WP-3D Orion, познат како Kermit, во понеделникот влета во окото на ураганот Мелиса, кој оттогаш се засили на највисоката петта категорија.

Како што објавија Newsweek и New York Times, тим од Центарот за воздушни операции на Националната океанска и атмосферска администрација на САД (NOAA) мораше да ја прекине својата мисија за собирање податоци за интензитетот на ураганот, бидејќи екипажот наиде на екстремно силни турбуленции. Североисточното око на бурата регистрираше ветрови од 265 километри на час, што ја прави Мелиса најсилната бура во Атлантикот оваа година.

Според CNN, централниот притисок на бурата се намалил од 909 милибари на 901 милибар во понеделник вечерта. Колку е помал притисокот, толку е посилна бурата - а податоците сугерираат дека силата на ураганот би можела да се зголеми во наредните часови.

За споредба, најнискиот воздушен притисок за време на ураганот Катрина во 2005 година бил 902 милибари, што ја прави Мелиса уште посилна, објавува CNN.

Мелиса полека, но сигурно се приближува кон Јамајка со ветрови од над 280 километри на час. Се очекува да го погоди брегот денес попладне по централноевропско време.

Јамајканскиот премиер Ендру Холнес ги повика жителите да се евакуираат и предупреди дека островот нема инфраструктура за да издржи ураган од категорија 5.

„Се молам на колена“, рече Холнес.

Извор: Телеграф.рс

Фото: Принтскрин/Јутуб