НЕСРЕЌА ВО ХРВАТСКА: Училишно комбе излетало од патот - во него имало деца ВИДЕО

Добивај вести на Viber

Во околината на Сплит, Хрватска, околу 13 часот и 30 минути на патот што ги поврзува населените места Срињине и Горње Ситно се случила сообраќајна незгода.

Станува збор за стрмен и кривулест пат кој ги поврзува овие две места и каде временските услови се лоши (врне дожд, патот е лизгав и било облачно). Возачот управувајќи го комбето слетал под коловозот во Сиротковиќи, јавува Далмација.

Според неофицијални информации, станува збор за училишно комбе во кое во моментот на несреќата се наоѓале деца. За среќа нема потешко повредени, но превентивно се пренесени на лекарска помош.

Несреќата ја потврди и сплитската полиција. „Во 13 часот и 23 минути во Ситно Горњи, на раскрсницата за Срињине, се судрило комбе. Полицијата е на местото на настанот“, изјави Сања Назлиќ од Сплитско-Далмација полициска управа. Сообраќајот на оваа делница од патот се одвива наизменично, по една коловозна лента, со регулација на полициски службеник.

Зринка Мужиниќ Бикиќ, директорка на ОУ „Срињине“ за Слободна Далмација изјави дека, според досегашните информации, сите деца се добро.

„Децата се свесни. Некои од нив се со модринки и за секој случај ќе бидат пренесени во сплитската болница на детален преглед, но според информациите што ги имам нема сериозни повреди. Имаше возач и пет ученици од нашето училиште во комбето“, рече директорката.

Несреќата за тамошните медиуми е потврдена и од медицинските служби. 

„На итната помош се примени пет деца од сообраќајна несреќа. Тие се во добра општа состојба, имаат минимални физички повреди, најмногу удари, без сериозни физички повреди.

Ќе бидат задржани кратко време, процесуирани и потоа пуштени дома доколку се биде во ред“.