НЕТФЛИКС КОНЕЧНО СО КОНКРЕТНИ ДЕТАЛИ ЗА НАЈАВЕНАТА ЗАБРАНА: Го укинува споделувањето на лозинки, дополнително ќе се плаќа за тоа

Добивај вести на Viber

Нетфликс почна да губи корисници за прв пат по една деценија, а компанијата подготвува големи промени како одговор. Компанијата соопшти дека инфлацијата, војната во Украина и жестоката конкуренција придонеле за губење на корисниците на стриминг за прв пат по повеќе од една деценија.

За тоа делумно е виновно повлекувањето од Русија, а извршниот директор на стриминг сервисот Рид Хестингс изјави дека компанијата подготвува големи промени во својот бизнис модел за да се прилагоди на новонастанатата ситуација. Тој рече дека Нетфликс изгубил 200.000 корисници во првиот квартал од оваа година и дека ова е прв пад на бројот на корисници во последните 10 години.

По оваа објава, според Ројтерс, акциите на Волстрит паднале за 26 отсто, а компанијата загубила околу 40 милијарди долари берзанска вредност.

Нема повеќе споделување сметка

Компанијата планира, во најлош случај, да го укине споделувањето на лозинки и сметки или, во подобар случај, корисниците кои споделуваат сметки да плаќаат дополнително за тоа.

Споделувањето лозинки меѓу корисниците за пристап до Netflix одамна е официјално забрането според условите за користење. Сепак, тоа не спречи многу корисници да го користат овој метод за споделување на трошоците за претплата, а компанијата сега одлучи да ја прекине оваа практика.

Овој модел веќе некое време е тестиран во некои земји, а наскоро ќе се применува и во остатокот од светот.

Нетфликс официјално размислува за поевтин модел на претплата поддржан од реклами.

Извршниот директор на компанијата истакна дека компанијата е „отворена“ за реклами на својата платформа и дека сега е речиси сигурно дека тоа ќе се случи.

„Оние кои го следат Нетфликс знаат дека ние бевме против рекламирање и за едноставен систем за претплата. Но, колку што ни се допаѓа, повеќе ни се допаѓа изборот на корисници. Рекламите ќе овозможат пониски цени на претплата, а корисниците ќе имаат и избор. Мислам дека тоа има смисла“, рече Хестингс.

Рекламирањето е секако една од најголемите промени во деловниот модел на компанијата до сега, а дебатата за тоа првпат беше иницирана од Дизни + кога неодамна објави дека тестира бесплатни планови поддржани од реклами.