Никако да тргне „помирувањето“ на ВМРО-ДПМНЕ и СДСМ
Објавено во: Македонија 05 Ноември, 2018
За формирање на комисијата за помирување, за што иницијатива достави независната пратеничка група на ВМРО-ДПМНЕ и Коалицијата за подобра Македонија, ќе се разговара на следната координација, најверојатно идниот понеделник. Тоа е договорено на денешната редовна координација на претседателот на Собранието Талат Џафери со потпретседателите и координаторите на пратеничките групи.
На координацијата, иако поканет не присуствувал новиот координатор на пратеничката група на ВМРО-ДПМНЕ и на коалицијата За подобра Македонија Никола Мицевски. Со официјален допис дека тој е новиот координатор на пратеничката група кабинетот на Џафери бил известен во петокот доцна попладне.
На координација не бил утврден датум за пленарната седница за одземање на мандатот на пратеникот Никола Груевски. Било одлучено да се почека извештајот на матичната Комисија за мандатно-имунитетни прашања, чија седница е закажана за утре. Претседателот на комисијата Павле Богоевски е задолжен да го информира спикерот Џафери за одлуката на ова собраниско тело.
На координацијата се зборувало и за други тековни активности на Собранието.
Можеби ќе ве интересира
МИЦКОСКИ: Ќе има прегласување во изборната единица 5, очекуваме уште еден пратеник таму
MИЦОТАКИС ДО СИЛЈАНОВСКА ДАВКОВА: Jа повикуваме новата претседателка да избегне слични незаконски и провокативни постапки
КРМОВ: ДПМНЕ со АПСОЛУТНО мнозинство НЕМА да го раководи Собранието!
ЛИДЕРОТ НА СИРИЗА ДО МИЦОТАКИС: Ако сметате дека Договорот од Преспа е предавнички, еве ви шанса да го поништите
„ВРЕДИ“ НА СРЕДБА СО КУРТИ: Загрижувачко е руското и српското влијание
ЦУК ЗА СОСТОЈБАТА ВО ОХРИД: Има поплавени подруми и гаража
ПАТУВА ВО РИМ: Претседателката Силјановска Давкова ќе се сретне со Папата и со Серџо Матарела
