Ники Хејли - Од ќерка на индиски мигранти до претседателка на САД?

Добивај вести на Viber

Ники Хејли или поточно со нејзиното родено име Нимрата Ранџава е вистински приказ на лицемерието на денешната Републиканска партија на САД која премногу „забега“ со десничарската идеологија со која се заканува на човековите права, на правата на жените за абортусот и на мигрантите за слободно движење, просперитет и почит во туѓа држава. 

Ники Хејли како што е името под кое сите ја познаваат сегашната амбасадорка на САД во Обединетите нации, токму по овие три прашања има многу негативен скор во својата историја како државен сенатор во сојузната и една од најконзервативните Јужна Каролина. Хејли како дете на индиски мигратни има остар однос токму кон мигрантите за кои гласаше во повеќе наврати за построги и порестриктивни закони кои ако важеле пред четириесетина година можеби нејзините родители никогаш не би успеале во САД. 

Хејли се приклучува на најрадикалното крило на конзервативците кои се закана и за основата на Републиканската партија како политичка организација на десницата со пренагласените верски мотиви и теолошки догми кои не се во допир со модерните научни достигнувања и општествени напредоци. 

Хејли според повеќе аналитичари, а вклучувајќи го и познатитот поранешен армиски полковник Ралф Питерс има шанси да стане првата жена претседател на САД. 

Таа засега е лојална на Доналд Трамп, ја поддржа неговата тврдоглава и насилничка позиција во Обединетите нации и беше една од првите која застана во неговата кампања за претседател на САД. 

Нејзината кариера се одвива со молневити чекори и од сојузен сенатор се предвидува дека на некои наредни избори во поблиска иднина може да се трка како потпретседателски кандидат, па кого ќе стекне поголем политички стаж неминовна и е кандидатура за претседател преку Републиканската партија иако таа е дел од поконзервативното и теократско лоби.

Х.С.