„НИКОГАШ ПРЕТХОДНО НЕ БЕВ НА ТАКВО МЕСТО...“ Принцот Вилијам се присети на еден детал од животот

Добивај вести на Viber

Британскиот престолонаследник принцот Вилијам се потсети како неговата мајка, покојната принцеза Дијана, го однела во засолниште за бездомници кога имал само 11 години, истакнувајќи дека посетата му ги отворила очите. Тој посочил дека овој настан му покажал како живеат другите, и дека на светот има луѓе кои имаат сосема поинаков живот од неговиот.

Во документарецот посветен на неговите напори да се стави крај на бездомништвото, кој ќе се емитува оваа недела, наследникот на британската круна рече дека Дијана, заедно со неговиот помлад брат, принцот Хари, ги запознала со ова прашање, за кое решително се борела да ја подигне свеста, какои за темата СИДА и ментално здравје, пренесува Ројтерс.

- Никогаш порано не сум бил на вакво место и бев малку загрижен што да очекувам. Мајка ми одеше на своите вообичаени активности за сите да се релаксираат и добро да се забавуваат. Таа се шегуваше со сите - рекол принцот од Велс, потсетувајќи се на посетата на хуманитарна организација во Лондон во 1993 година.

Photos of Diana and William visiting homeless seen for first time: Prince William sets out the personal motivation behind Homewards, his project to tackle homelessness. https://t.co/wdslVhMh2S pic.twitter.com/QObBqOz0Kf

— uk news (@ukrafflesuk) October 26, 2024

Минатиот јуни, принцот Вилијам, најстариот син на кралот Чарлс, го започна петгодишниот проект „Homewards“, за кој рече дека е инспириран од неговата мајка, принцезата Дијана.

Prince William intends to make homelessness a key theme of his work this year. He is visiting youth homelessness charity Depaul UK in London this morning. pic.twitter.com/Mv44Ny9rWq

— Richard Palmer (@RoyalReporter) January 19, 2023

Добротворните организации за бездомници велат дека е тешко да се утврди точно колку луѓе живеат на улица, но статистиката објавена овој месец покажува дека во Англија во 2023-2024 година се класифицирани 178.560 лица како бездомници, што е зголемување за 12,3 отсто во однос на претходната година.

Фокусирајќи се на бездомништвото, Вилијам рече дека „очајно се обидува да им помогне на луѓето кои имаат потреба и тоа го гледа како дел од неговата улога“.