19 Април, 2024
0.0695

Николовски побара Косово веднаш да ги укине царините

Објавено во: Агробизнис 25 Јули, 2018

Добивај вести на Viber

Од Белград денеска министерот Николовски ја повика косовската влада веднаш да ја укине царината која ја воведе пред неколку дена а со која директни штети трпат македонските земјоделци.

Заедно со колегите од регионот Николовски ја поздрави  одлуката на Косово за делумно укинување на  зголемените царини, но, побараа од  Приштина итно и целосно да ги укине воведените зголемени царини за извоз на земјоделски производи

„Внимателно, претпазливо заедно со властите на Косово овие неколку дена постојано сме во комуникација. Сметам дека енергијата која ја дадовме до сега вроди со плод. Вчера на Владина седница, Приштина донесе одлука за повлекување на царината од поголем дел од производите. Но, со оглед на тоа дека на сила се мерки за зголемена царина за дел од производи за кои Македонија има извоз во моментов, бараме укинувањето на одлуката да се случи веднаш. Сметаме дека е потребно  итно отповикување на оваа одлука која е спротивна на ЦЕФТА договорот, но и на СТО. Ние очекуваме Укинување на оваа одлуката“.

КОСОВО ПРЕД ПОВЛЕКУВАЊЕ НА ЦАРИНИТЕ: Можни штети од 1,3 милиони евра за земјоделците


Николовски, посочи и дека лани извозот од Македонија во Косово на земјоделски производи само во првите шест месеци  бил над 6 милиони евра. Тој вели дека Владата и министерството ги разгледуваат мерките за ублажување на штетите кои би ги претрпеле земјоделците доколу мерката не се повлече. 

„Дополнително, работиме на сите анализи и и разгледуваме опции за  дополнителните мерки кои Владата ги носи постојано, а се во интерес на земјоделците. Всушност, согласно денешните заклучоци секоја земја си го задржува правото да носи, да презема свои мерки и политики во функција на заштита на домашната економија и на домашното производство.“

Можеби ќе ве интересира

ДОЖДОТ Е ПОВЕЌЕ ОД ДОБРЕДОЈДЕН: Сепак температурните шокови можат да направат проблеми на земјоделските насади

ДОЖДОТ Е ПОВЕЌЕ ОД ДОБРЕДОЈДЕН: Сепак температурните шокови можат да направат проблеми на земјоделските насади

СТОЧАРИТЕ НУДАТ ПЛАТА ОД 1.000 ЕВРА: Албанија е последната станица за наоѓање овчари

СТОЧАРИТЕ НУДАТ ПЛАТА ОД 1.000 ЕВРА: Албанија е последната станица за наоѓање овчари