20 Јуни, 2024
0.0277

Нема барања до МОН за настава со физичко присуство ниту од училиштата со малку ученици

Објавено во: Македонија 24 Август, 2020

Добивај вести на Viber

И покрај тоа што Владата донесе одлука да може да се реализира настава со физичко присуство во училиштата со помал број ученици, но само доколку основачот на училиштето поднесе барање до Министерството за образование и наука со образложение за исполнетоста на критериумите, надлежите од ова министерство за Фактор велат дека до овој момент нема пристигнато ниту едно барање од училиштата ширум земјава.  

-Согласно усвоени заклучоци на владина седница, новата учебна 2020/2021 година ќе започне со онлајн-настава, со исклучок на учениците од прво до трето одделение кои ќе можат да посетуваат настава во училница, а воедно и училиштата со помал број ученици и паралелки во средини со стабилна епидемиолошка состојба ќе може да организираат класична настава, откако претходно општините ќе добијат согласности од Владата. До овој момент нема доставени такви барања. Но крајната одлука ќе ја носат родителите на учениците. Тие ќе изберат дали нивните деца ќе посетуваат училиште или пак ќе бидат вклучени во онлајн настава, велат од министерството.

Истовремено од МОН истакнуваат дека планот за организација на новата учебна година е изготвен и е доставен на разгледување и усвојување од страна на Владата, заедно со протоколите за различните модели на настава кои истиот ги предвидува (онлајн настава, настава со физичко присуство и комбинирана настава). Во протоколите е прецизирано како да се постапи со ученици кај кои при влез во училиштето или пак, за време на настава ќе бидат увидени симптоми на вирусот.

-Во моделот - настава со физичко присуство, наставникот ќе биде присутен во училницата и ќе ја предава материјата непосредно пред учениците чии родители одлучиле тие да посетуваат настава со физичко присуство. Доколку во паралелката одредени родители побараат учениците да следат онлајн настава, часот ќе се пренесува во живо за сите нив (ученици кои следат настава од дома), или пак доколку можностите не дозволуваат стриминг во живо, часот ќе се снима и потоа проследи до сите останати ученици преку апликациите кои се користеа и во изминатата учебна година, или ќе му се достават печатени материјали на секој ученик одделно. Исто така, наставникот може да одбере веќе снимен час на соодветната тема поставен на ЕДУИНО, потенцираат од МОН.

Инаку, учебната година ќе започне откако ќе се направат измени во законите за основно и средно образование, за што е потребно да имаме функционално Собрание.

Анита Буховски

Можеби ќе ве интересира

ЈП „Национални шуми“ нема да учествува во гаснењето на пожарите

ЈП „Национални шуми“ нема да учествува во гаснењето на пожарите

Стружанец уапсен за изработка на лажни дипломи

Стружанец уапсен за изработка на лажни дипломи

ЖИВАТА ЌЕ СЕ ИСКАЧИ ДО 40 СТЕПЕНИ: Времето во следните денови

ЖИВАТА ЌЕ СЕ ИСКАЧИ ДО 40 СТЕПЕНИ: Времето во следните денови

МЛАД ВОЈНИК ПОЧИНАЛ НА „КРИВОЛАК“: Се пријавил за селективен курс за специјални сили, починал на последната дисциплина

МЛАД ВОЈНИК ПОЧИНАЛ НА „КРИВОЛАК“: Се пријавил за селективен курс за специјални сили, починал на последната дисциплина

ИМААТ ПРЕКРАСНИ ПЛАЖИ, НЕ БРЗААТ, АМА И НИКОГАШ НЕ ДОЦНАТ: Студент од Скопје раскажува како е да се волонтира на Аруба

ИМААТ ПРЕКРАСНИ ПЛАЖИ, НЕ БРЗААТ, АМА И НИКОГАШ НЕ ДОЦНАТ: Студент од Скопје раскажува како е да се волонтира на Аруба

„ТРЕБАШЕ ПОРАНО ДА ЗАМИНАМ ОД ПОЛИТИКАТА“: Јанкуловска „призна“ која и е најголемата грешка

„ТРЕБАШЕ ПОРАНО ДА ЗАМИНАМ ОД ПОЛИТИКАТА“: Јанкуловска „призна“ која и е најголемата грешка

ЌЕ СЕ КРАТИ НА ИНСТИТУЦИИ, ДИРЕКТОРСКИ МЕСТА НО И ЕКОНОМСКИ ДИРЕКТОРИ: Еве што најавува кандидатот за вицепремиер Николовски

ЌЕ СЕ КРАТИ НА ИНСТИТУЦИИ, ДИРЕКТОРСКИ МЕСТА НО И ЕКОНОМСКИ ДИРЕКТОРИ: Еве што најавува кандидатот за вицепремиер Николовски

ДАЛИ ДАРКО КОСТОВСКИ ЌЕ ТРЧА ЗА БУТЕЛ ИЛИ ГРАД СКОПЈЕ? Еве дали е заинтересиран да стане татко на градот

ДАЛИ ДАРКО КОСТОВСКИ ЌЕ ТРЧА ЗА БУТЕЛ ИЛИ ГРАД СКОПЈЕ? Еве дали е заинтересиран да стане татко на градот

ФИЛИПЧЕ СО ПЛАН: Еве како ќе привлекува нови кадри во партијата

ФИЛИПЧЕ СО ПЛАН: Еве како ќе привлекува нови кадри во партијата