ЊУЈОРК ГОРИ: Големото јаболко го живее најцрното сценарио

Добивај вести на Viber

Њујорк е пред колапс, велат здравствените власти кои безпоштедно се борат секоја минута да спасат човечки животи. Во САД до утринава со новиот вирус се заразени 435.000 луѓе, а починаа речиси 15.000. Њујорк ја има најтешката судбина, бидејќи само таму во текот на изминетите 24 часа починаа од вирусот 731 лице, и сега вкупниот број на починати во градот е 5.500, што е повеќе од една третина на целата територија на САД. Гувернерот на државата Њујорк, Ендрју Комо и градските служби предупредуваат дека бројот е многу поголем, бидејќи секојдневно во домовите во Њујорк умираат околу 200 луѓе, а нивната смрт не се евиндентира во официјалните податоци, зошто не се тестирани.

Проценките се дека овој американски град би можел по трагичните последици да ја надмине Италија, која е најголемото европско жариште на пандемијата. Дури и сега болниците во Њујорк се порешко се борат со налетот на заразата.

На сите пациети кои кои сега доаѓаат им е потребен кислород или респираторен апарат. Само во период од 12 часа моравме 14 пациенти да ставиме на респиратор, вели др. Џон Мичел од болницата Мејмонидис во Бруклин.

Повеќе од 300 болници уште пред две недели изразија загриженост поради предолгото чекање на резултатите, недостатокот на медицински кадар и опрема.