Нобеловата награда за мир да оди кај Дачиќ, Тачи и Ештон

Добивај вести на Viber

Премиерите на Косово Хашим Тачи и на Србија Ивица Дачиќ, заедно со високата претставничка на ЕУ, Кетрин Ештон да добијат Новелова награда за мир побараа претставниците на српското и албанско лоби во Конгресот на САД. Во писмото упатено до комитетот за Нобелова награда за 2014 година, тие ги номинираат овие личности поради, како што пишуваат, нивната клучна улога во нормализација на односите помеѓу Белград и Приштина. „Априлскиот договор кој што се постигнат со посредство на Ештон претставува клучна и историска пресвртница за Србија и Косово, како и за турбулентниот регион на Балканот во целина“, стои во писмото до Комитетот. Како што се наведува во образложението и Тачи и Дачиќ, со јасен прекин на минатото и пронаоѓање на патот кон посветла иднина покажале значителна храброст и визија. Конгресмените додаваат и дека тие заслужуваат големо признание поради тоа што презеле  голем ризик за да пронајдат решение. „Договорот исто така покажува дека етничката омраза може да се надмине и дека посветените поединци можат да се договорат доколку покажат добра волја и компромис и да ги решат наизглед нерешливите проблеми“, се додава во писмото.