07 Август, 2022
0.0230

Нов џентлменски гест од „Стопанска банка Скопје“! Што сега им нудат на сопствениците на приоритетни акции?

Објавено во: Економија 24 Јуни, 2022

Добивај вести на Viber

Втор преседан во 30 годишната корпоративна историја. Најголемиот акционер на Стопанска банка Скопје направи гест за длабок наклон. Откако имателите на приоритетни акции го одбија предлогот да им се зголеми дивидендата за пет пати, заслужено или не од банката добија нова понуда. Стопанска банка Скопје ќе нарача и плати независна реномирана компанија да направи сеопфатна анализа и предложи сооднос за конверзија на приоритетни во обични акции. Препораката од анализата нема да биде задолжителна, но ќе биде основа за конверзија... 

„Стопанска банка Скопје“ ќе ангажира и ќе плати квалификувана и професионално прифатлива реномирана компанија која врз основа на сеопфатна анализа ќе даде свој предлог за можна конверзија на приоритетните во обични акции на „Стопанска банка Скопје“.

Ова е официјална информација што ја објави „Стопанска банка Скопје“ и со оваа задача големиот акционер на банката ги задолжил органите на управување (т.е. Надзорниот и управниот одбор). Всушност сега органите на управување на банката имаат задолжение да ги превземат сите потребни активности за да се најде реномирана стручна компанија која ќе направи проценка и ќе даде предлог за соодносот при можна конверзија на приоритетните во обични акции на Стопанска банка Скопје.

Овој заклучок следел откако на последното акционерско собрание сопственик на приоритетни акции побарал конверзија на една приоритетна акција за две обични акции. Едноставно кажано тоа значи дека ако лице поседува 100 приоритетни акции во таа банка, да му се даде можност да ги конвертира во 200 обични акции. Основот за таа конверзија, наједноставно кажано, кој го заговараат дел од имателите на приоритетни акции подолго време е во тоа што приоритетната акција има двојно повисока номинална вредност од обичната акција.

Во официјалната информација од Стопанска банка Скопје пишува дека веќе се во постапка на прибирање понуди од реномирани компании кои можат да ја извршат оваа услуга. Исто така е наведено дека откако ќе биде направен тој извештај ќе биде свикано вонредно акционерско собрание на кое ќе биде претставен пред сите акционери.

Воедно пишува дека проценката нема да биде задолжителна за било кој од соптвениците на акции без разлика дали се обични или приоритетни. Но дека проценката ќе биде правична, стручна и објективна основа за соодносот при можна конверзија на приоритетни во обични акции.

Сите детали се достапни на следниот линк SEI Net V2

За потсетување, како што веќе пишувавме големиот акционер т.е. грчката банкарска групација НБГ, на последното собрание, им понуди на сопствениците на приоритетни акции фиксна годишна дивиденда од 25 денари за акција наспроти сегашните 5 денари. Мноштвото иматели на приоритетни акции на овој предлог на мнозинскиот сопственик на обични акции одговорија така што не направија кворум за гласање и предлогот пропадна. 

Р.Ф. 

Можеби ќе ве интересира

Бројните пожари и високите температури не се доволна причина, нашиот јужен сосед се враќа на јагленот

Бројните пожари и високите температури не се доволна причина, нашиот јужен сосед се враќа на јагленот

ОТВОРЕН БАЛКАН ВОДИ КОН ПОГОЛЕМА РАЗМЕНА НА РАБОТНИЦИ, нема веќе визи за граѓаните

ОТВОРЕН БАЛКАН ВОДИ КОН ПОГОЛЕМА РАЗМЕНА НА РАБОТНИЦИ, нема веќе визи за граѓаните

Срби во последните неколку месеци купиле 15.000 недвижнини на Халкидики

Срби во последните неколку месеци купиле 15.000 недвижнини на Халкидики

Украина од 1 септември започнува со приватизација

Украина од 1 септември започнува со приватизација

ММФ до владите: Не ја субвенционирајте скапата струја, нека ја плаќаат цела потрошувачите

ММФ до владите: Не ја субвенционирајте скапата струја, нека ја плаќаат цела потрошувачите

Четврт бурек за скоро време би можел да достигне 100 денари

Четврт бурек за скоро време би можел да достигне 100 денари

„Бетон“ вели дека наишол на опструкции од Народна банка и Државни патишта во последното бележење на загуба

„Бетон“ вели дека наишол на опструкции од Народна банка и Државни патишта во последното бележење на загуба

ЕВН: Голем интерес кај домаќинствата за продажба на електрична енергија

ЕВН: Голем интерес кај домаќинствата за продажба на електрична енергија

Житото од Украина се доставува низ целиот свет

Житото од Украина се доставува низ целиот свет