Нов играч влегува во битката за „Twitter“

Добивај вести на Viber

„Walt Disney Co.“ работи со финансиски советник за да се оцени евентуално поднесување на понуда за стекнување на микроблог платформата „Twitter Inc.“, соопшти Блумберг, повикувајќи се на свои извори.

„Twitter“ неодмна започна процес за проценка за евентуална продажба. „Salesforce.com Inc.“ исто така, размислува за понуда, оркако работи со „Bank of America“ по прашањето, тврдат други извори кои посакале анонимност поради приватниот карактер на преговорите.

Претставници на „Twitter“ и „Disney“ не одговориле навремено на барањата за коментар.

Гласините дека „Twitter“ ќе биде продадена, се засилија во последните месеци, вклучувајќи ја веста од минатата недела за пројавен интерес од страна на „Salesforce“, предвид падот на цената на акциите на компанијата и тешкотиите при привлекувањето на нови корисници и рекламни приходи.

Ако одлучи да упати понуда, „Disney“ би можела да и помогне на компанијата да развие стратегија за стриминг на видео. Главниот извршен директор на „Twitter“, Џек Дорси е член и на Управниот одбор на „Disney“.

Акциите на „Twitter“ го свртија трендот при веста за интерес од страна на „Disney“, откако поскапеа за 2% до 22,83 долари за една во 14 часот по локално време во Њујорк. Акциите скокнаа за 21% во петокот по извештаите за преговори со „Salesforce“.