НОВ ПАКЕТ: Какво оружје испраќа САД во Украина?
Објавено во: Свет 26 Септември, 2024
САД ќе ѝ испратат на Украина касетни бомби со среден дострел, артилерија и оклопни возила.
Соединетите Американски Држави(САД) ќе ѝ испратат на Украина неодреден број касетни бомби со среден дострел како и ракети, артилерија и оклопни возила во рамки на пакетот воена помош во вкупен износ од околу 375 милиони долари, соопштија американски функционери.
Новиот пакет помош вклучува бомби воздух-земја со касетна муниција кои можат да бидат испукани од украинските борбени авиони, како и муниција за ХИМАРС, „џавелин“ и други противоклопни системи, возила отпорни на мини и друга воена опрема.
Обезбеден преку претседателски указ, новиот пакет оружје е еден од најголемите одобрени и доаѓа од залихите на Пентагон за оружје побрзо да ѝ се испорача на Украина.
Вклучувајќи го најновиот пакет САД обезбедиле повеќе од 56,2 милијарди долари воена помош на Украина од почетокот на конфликтот во февруари 2022 година.foto EPA