НОВ РЕКОРД: Индија регистрира над 4.300 починати од коронавирусот во еден ден
Објавено во: Свет, Корона Вирус 18 Мај, 2021
Нов рекорд има во Индија. Земјата денеска регистрираше 4.329 починати од коронавирусот.
Ова е најголем број жртви во еден ден од избувнувањето на пандемијата на ковид -19. Втор ден по ред, бројот на новозаразени е помал од 300.000, но вкупниот број на случаи на коронавирусот надмина 25 милиони. Американските медиуми пренесуваат дека вирусот досега однесе скоро 280.000 животи во Индија. Постојат сомнежи дека реално бројката на починати е поголема од официјалната.