Нов состав: Колкави се платите на Бислимовски и компанија
Објавено во: Економија 26 Септември, 2018 06:15
Се смени составот, но платите останаа исти. Новите членови на Регулаторната комисија за енергетика сепак земаат плати кои по висина се едни од најголемите во земјава. Во соопштение објавија точно колкави се нивните примања, но сумите се однесуваат за основните нето плати. Надоместоците не се вкалкулирани.
Нов претседател на Регулаторната комисија за енергетика од јуни е Марко Бислимовски. И тој, како и неговиот претходник Димитар Петров ќе зема основна нето плата од 97.114 денари или 1.579 евра. Неговиот заменик Куштрим Рамадани има месечна нето плата од 91.276 денари (1.484 евра) исто колку што земаше и претходно кога му беше заменик на Петров во претходниот состав на Регулаторната комисија за енергетика.
Но не се само тие. Уште петорица членови на Регулаторната комисија за енергетика земаат по 88.774 денари (1.443 евра) основна нето плата. Во актуелниот состав на комисијата членуваат Светлана Јаневска, Енвер Ељмази, Панче Орцев, Наташа Вељановска и Атанаско Тунески.
Во Регулаторната сепак се вработени и уште дваесетина други лица, во стручната служба и како технички персонал. Просечната плата по вработен е 45.110 денари.
Инаку, платите кои се повисоки и од тие на премиерот на пример, комисионерите ги заработуваат од контрола на пазар кои вреди милијарди. Според правилникот за работа, задолжени се да ги утврдуваат цените на горивата, струјата, парното и на водата.
Функцијата член на Регулаторната комисија за енергетика се врши професионално и е неспоива со извршување на друга јавна функција или функција во политичка партија или работно место. Според правилата, на членот на Регулаторната комисија за енергетика му престанува јавната функција или функцијата во политичката партија по сила на закон на денот на неговото именување.
А.Т.
* Македонска берза и оваа година во соработка со Фактор доделува повеќе награди во различни категории за „Акција на годината“ при тргувањето со хартии од вредност.
Еден од критериумите за доделување на признанијата ќе биде и мислењето на јавноста. Гласањето ќе се одвива до 12 декември, а предвиден термин за доделувањето на самите награди е 23 декември.
Од таму, може да гласате за едно од следните котирани друштва:
Можеби ќе ве интересира
АЛЕКСАНДАР МАНЕВ ВО „БИЗНИС-КЛУБ“: „НЕМА ПОМОЌНА ИНСТИТУЦИЈА ОД КОМОРАТА, КОЈА ОБЕДИНУВА УСПЕШНИ ЛУЃЕ, ЛИДЕРИ И КРЕАТОРИ НА МИСЛЕЊА“
Пет професии кои се дефицитарни - високите плати се примамливи, но стручноста е неопходна
Кога е најдобро време да купите половен автомобил - во овој дел од годината можете да заштедите до неколку стотици евра
Русите пресметаа и објавија колку пари изгуби ЕУ поради санкциите
ПОЧНА РЕКОНСТРУКЦИЈАТА НА СКОПСКАТА ЖЕЛЕЗНИЧКА: Колку време ќе трае и колку чини проектот за новиот изглед?
Плати во плик, кеш промет и скриени приходи – УЈП со засилени контроли
(ВИДЕО) „ОВА Е НЕРЕАЛЕН БУЏЕТ“: Битиќи вели дека предлог буџетот за 2026 година му изгледа на предизборен
Повеќето милијардери живеат во оваа европска земја: Додека беснее економската криза, нивното богатство се зголемува
