Нова онлајн продавница за македонски ракотворби

Добивај вести на Viber

„Macedonian Handicrafts“ е-продавницата е специјализирана за продажба на секаков вид на ракотворби направени во Македонија, со најразличен вид на техники и материјали. Во рамките на работната посета на Охрид, министерот за информатичко општество и администрација Иво Ивановски, денес присуствуваше на отворањето на втората од вкупно 50 електронски продавници што ќе бидат субвенционирани од Владата. - „Macedonian Handicrafts“ е специфична интернет-продавница што ќе нуди традиционални македонски производи, каде сите потенцијални клиенти што имаат пристап до дигиталниот свет ќе можат да купат најразновидни занаетчиски производи, од икони, носии, охридски бисери дуги производи.„- рече министерот Ивановски на отворањето на е-продавницата. - Таа е достапна е на www.macedonian-handicrafts.mk, 24 часа во денот, 365 дена во годината, секаде во светот. На понудата имаат околу 40 производи, со тенденција да се зголемува бројот на производите. Сите производи се изработени рачно од мајстори занаетчии од Македонија рече менаџерот на „Macedonian Handicrafts„ Мишко Ѓоршески, Тој вели дека идејата за отворањето на ваков вид електронска продавница е да се промовира занаетчиството како гранка. Министерот Ивановски изрази уверување дека продавницата ќе претставува поттик за занаетчиите да продолжат со нивните традиционални дејности.