НОВИ НАПОРИ ЌЕ СЕ ПРАВАТ ЗА ДАТУМОТ: Ќе има ли консензуално решение за преговорите на Македонија
Објавено во: Македонија 17 Октомври, 2019
Македонија ги исполни сите услови за отворање на пристапните преговори со Европската унија. Ова е заедничкиот став кој го испратија доцна синоќа премиерот Заев и претседателот на Европскиот совет Доналд Туск.
Сепак, денеска ќе се прават нови напори со цел да се постигне консензуално решение за Македонија да ги почне преговорите.
Во Брисел Заев и Туск заклучија дека земјава и граѓаните направиле храбри чекори и сериозни реформи.
Засега е неизвесно дали Франција ќе дозволи датум иако последните навестувања по оваа тема се негативни.
Макрон порача дека за нашата земја и за соседна Албанија ќе им треба малку повеќе време за да се заврши работата.
Останува ли се во рацете на една Франција?