Нови ограничувања од денеска: Се штити цената на акциите на берза
Објавено во: Економија 17 Март, 2020
Денеска на Македонска берза ќе се тргува по нови правила. Одборот на директори на берзата донесе одлука да ги промени ценовните ограничувања при тргувањето. Вчера во текот на денот беше изменет и друг дел од правилата поради што Македонска берза беше затворена во тек на еден час. Денот заврши сепак со драстичен пад на цената на акциите, а индексот МБИ 10 падна за 8,68 проценти. И тој пад не е прв - откако се појави коронавирусот и кај нас, но и во регионот и во Европа, домашниот пазар е на удар, а цените на акциите во слободен пад.
Според новите правила кои важат од денеска за хартиите од вредност кои се во режим на континуирано тргување статичките лимити изнесуваат плус односно минус 5 проценти од официјалната просечна цена за хартијата од вредност на претходниот ден на тргување, а динамичките лимити изнесуваат плус/минус1,5 проценти од моменталната референтна цена за хартијата од вредност. Дополнително за хартиите од вредност кои се во режим на аукциско тргување и имаат статички лимити, истите изнесуваат плус/минус 10 проценти од официјалната просечна цена за хартијата од вредност на претходниот ден на тргување, а динамичките лимити изнесуваат плус/минус 1,5 отсто од моменталната референтна цена за хартијата од вредност;
Од берзата велат дека ако има потреба ќе преземат и други мерки. Вчера Македонска берза го прекина тргувањето во рок од еден час. Потоа тргувањето продолжи. Според тие измени берзата може да го прекине тргувањето ако има пад до 11.45 часот од повеќе од седум проценти.
А.Т.
* Наградата се доделува на котирано друштво, избрано со гласање преку онлајн анкета на веб страниците на Берзата и интернет порталот „Фактор“, кој е партнер на Берзата во доделувањето на оваа награда. Гласањето се врши паралелно на двете веб страници и акцијата на издавачот што ќе има најмногу гласови од двете анкети збирно, ќе биде прогласена за Акцијата на годината по избор на јавноста за 2024 година.
Предмет на анкетата е листа од десет котирани акции, избрани врз основа на остварениот промет и транспарентноста во нивното работење.
Можеби ќе ве интересира
КОЛКУ Е СЕГА БОГАТ МИСТЕРИОЗНИОТ КРЕАТОР НА БИТКОИНОТ, САТОШИ НАКАМОТО? Првиот „рудар“ престанал да копа во 2010 година
ОД САМОУК ИНЖЕНЕР ДО НАЈНОВ МИЛИЈАРДЕР ВО ВСЕЛЕНСКАТА ИНДУСТРИЈА: Станува опасна конкуренција на Илон Маск
ДО BBC СТИГНАА ВИДЕО СНИМКИ – РУСИТЕ ИСПОРАЧУВААТ НАФТА НА СЕВЕРНА КОРЕЈА: „Ова е нафта за проектили, нафта за артилерија и сега нафта за војници“
ШПАНИЈА КАЗНИ ПЕТ НИСКОБУЏЕТНИ АВИОКОМПАНИИ ЗА ВИСОКИТЕ ДАВАЧКИ ЗА БАГАЖ: Еве која заработи најголема милионска казна
ГРИН МАШИНС НА БРАКО НА КЛУЧЕН ЕВРОПСКИ САЕМ ЗА ЗЕЛЕНА И ЦИРКУЛАРНА ЕКОНОМИЈА ВО ИТАЛИЈА
НАПАДОТ ОД ВЧЕРА ИМАШЕ ВЛИЈАНИЕ: Руската валута е на најниско ниво во однос на доларот од март 2022 година
МИЦКОСКИ ОД СРБИЈА: Овој настан е доказ за моќта на соработката што нашите земји ја имаат кон унапредувањето на економските врски
СЕ ЗГОЛЕМИ ЦЕНАТА НА ЗЛАТОТО: Колку чини унца попладнево?
МОЖНОСТ ЗА РАБОТА: Итно се потребни 5.000 работници, дневници до 130 евра и лесна регистрација
