Нови цени на нафтените деривати
Објавено во: Економија 29 Јуни, 2015
Регулаторна комисија одлучи цените на бензините да се намалат.
Имено, според денешните одлуки на ова регулаторно тело бензините поевтинуваат за половина денар, дизелот за 1,5 денари.
Тоа значи дека од полноќ ЕУРОСУПЕР БС-95 ќе се точи за 71 денар по литар, а за исто толку поевтинува и ЕУРОСУПЕР БС-98 кој ќе се продава за 73 денари по литар.
Од полноќ на бензинските пумпи дизел ќе се точи за 55 ден/литар бидејќи тој поевтинува за денар и половина
Екстра лесното масло за домаќинство кое ќе се продава по 43,5 денари за литар, што значи дека и тоа бележи пад на цената од 1,5 денар.
Новите цени ќе почнат да се применуваат од полноќ, и ќе траат две недели.