НОВИ ЗАБРАНИ И КАТАСТРОФАЛНА СЕЗОНА: Грците ги чека тешка зима
Објавено во: Балкан, Корона Вирус 19 Август, 2020
Коронавирусот ја уништи туристичката сезона во Грција, по што ќе следи тешка зима.
Брзата реакција на грчката влада во март и април го сведе ширењето на вирусот на минимум. Мерките се почитуваа – се носеа маски, се одржуваше физичко растојание во супермаркетите, луѓето остануваа дома.
Министерот за развој, Адонис Георгиадис, кажа дека Грција од црна овца станала пример во Европа.
За влез во Грција неопходен е т.н. QR код, кој се користи за регистрација на патници. На почетокот на јули, многу туристи не беа информирани. Други велат дека имале проблеми да пополнат електронски образец за влез во земјата.
Ограничувањата важат од 21-31 август.
Се забрануваат забави, на сите јавни и приватни собири ќе можат да присуствуваат најмногу девет лица, а носењето маски е задолжително и во затворени и отворени простори.
Најмногу четири лица можат да седнат на иста маса во рестораните, но ако се блиски роднини може да има шест луѓе.
Грција вчера имаше рекордни 269 нови случаи од појавата на коронавирусот во земјата на 26 февруари.