НОВИНАРИ ЈА ПРАШАА БРНАБИЌ ЗОШТО НЕ ЗАПАЛИЛА СВЕЌА ЗА ЗАГИНАТИТЕ ВО НОВИ САД: Taa не сакаше да одговори на ова и друго прашање

Добивај вести на Viber

Новинари ја прашаа претседателката на српското Собрание, Ана Брнабиќ зошто не запалила свеќа за жртвите во Нови Сад. 

Брнабиќ прво не сакаше да одговори, а потоа кажа дека тоа е нејзина лична работа.

„И не се чувствувам како некој кој сака да одговори на тие прашања во овој момент, од сите луѓе“, рече Брнабиќ. 

За тоа зошто хулиганите со палки кои во одреден момент се придружиле на вчерашниот протест не се уапсени и зошто им било дозволено да прават немири, таа не одговори.

Претседателката на парламентот на Србија изјави дека сакаат и бараат целосна одговорност за сите – и кривична, и морална и политичка за несреќата во Нови Сад каде загинаа 14 луѓе, откако на Железничката станица се урна натстрешницата.

„Ќе инсистираме на тоа и нема да сопреме додека тоа целосно не се исполни. Сакам уште еднаш јасно и недвосмислено да го осудам насилството на кое сведочевме вчера во Нови Сад. Такви слики и глетки не ѝ служат на чест на Србија ниту на нашето општество“, изјави Брнабиќ.

Таа го осуди сквернавењето на знамето, уништувањето на приватниот и јавниот имот. 

„Да го осудам сето она што го видовме, од мокрењето на Градската куќа до цистерната со фекалии за некој да ја полева Градската куќа“, кажа таа и додаде дека ги осудува и оние кои „таквиот идиот не го спречиле“.

Наведе дека тоа не е само навреда, туку дека е загрозено јавното здравје на граѓаните на Нови Сад.

Меѓу 14-те загинати беше и македонскиот научник, Васко Саздовски. 

Девет лица се уапсени за наредите синоќа во Нови Сад. Протестите излегоа од контрола и имаше насилства. 

foto EPA