ОБИД ЗА КИДНАПИРАЊЕ ВО КАРБИНЦИ: Возило дошло кај школскиот двор, го фатиле и на камера

Добивај вести на Viber

Првиот човек на Општина Карбинци, Виктор Паунов денеска изјави дека во ОУ „Страшо Пинџур“ во Карбинци утрово имало обид за грабнување на две деца од шесто и деветто одделение. 

„Во овој немил настан којшто се случил ова утро некаде после 9:30 часот имало обид за грабнување на две деца односно двајца ученици од ОУ „Страшо Пинџур“ овде во Карбинци. Она што го имам како информации од персоналот на училиштето и од распитот со инспекторите дека имало таков обид, се обиделе оние грабнувачи да ги воведат децата во возилото кое што влегло до почетокот на дворот. Безбедносните камери го имаат фатено возилото. Се работи на расчистување односно на утврдување на регистарската таблица на самото возило“, изјави градоначалникот на Општина Карбинци,. Паунов.

Тој објаснува дека настанот се случил после 9 и 30 часот, после третиот час и траел неколку минути.

„Од она што ние успеавме на камерите да го видиме и да го земеме како доказ од страна персоналот којшто во тој момент тука се движеле, децата кои што биле наводни жртви се едното од шесто одделение, другото деветто оделение“, рече Паунов. 

За мотивот вели дека остава на полицијата да го открие и да ја расветли целата случка. Повика на поголемо полициско присуство околиу училиштата.