ОБИЛЕН ДОЖД, СИЛЕН ВЕТЕР, ГРМЕЖИ, ГРАД - еве што не очекува од понеделник, синоптичарите најавуваат голема промена на времето
Објавено во: Македонија 07 Септември, 2024 06:54
Новата работна недела ќе ни донесе нови временски состојби, тврди метеопрогнозерот Славчо Попоски. Тој на неговата „Метеоаларм“ објави дека од понеделник (9.9.2024), па речиси во текот на целата наредна седмица територијата на Македонија ќе потпадне под влијание на циклонска активност со центар над Средоземјето.
- Во ваква ситуација времето ќе биде многу променливо со повремени врнежи од дожд со променлив интензитет. На повеќе места ќе има и развој на конвективни грмотевични облаци од кои се очекуваат поројни врнежи од дожд, грмежи и засилен ветер. Локално процесите ќе бидат поинтензивни и во форма на невреме, проследено со обилен пороен дожд, силен ветер, силни грмежи и електрични празнења и со појава на град - истакнува Попоски.
Потоа дополнува дека се очекува за време на оваа циклонска активност, на повеќе места да наврне позначително количество на воден талог (над 25 л/м2) локално и над 30 л/м2, со што се можни и локални поплавувања.
- И во Скопскиот регион од понеделник (9.9.2024) па во деновите потоа ќе има честа појава на врнежи од дожд, грмежи и повремено засилен ветер. Во делови од котлината ќе има услови и за појава на невреме, проследено со обилен пороен дожд, силен ветер, силни грмежи и електрични празнења и со појава на град.
Ветерот кој го очекуваме во текот на следната седмица повремено ќе биде со брзина и од над 60 км/час и претежно од северен правец, особено кон крајот на работната седмица и за време на следниот викенд - нагласува Попоски.
Температурите следната работна недела ќе бидат пониски од сегашните и максималните дневни температури ќе се искачуваат од 24 до 31 степени. За време на следниот викенд ќе бидат уште пониски и ќе се движат од 19 до 26 степени, а утринските во интервал од 6 до 14 степени, додека на планинските и на повисоките места ќе бидат и уште пониски.
Можеби ќе ве интересира
СДСМ OБЈАВИ 19 КАНДИДАТИ ЗА ГРАДОНАЧАЛНИЦИ: Герасимовски во Центар, Александар Трајановски во Аеродром
ГРЧКИ МЕДИУМ: Двајца капачи се удавија во морето, жена од Македонија и српски државјанин
НА ОДМОР ВО ГРЦИЈА: Maкедонка пријавила дека партнерот ја тепал
ДОБИЈА 30 ДЕНА ПРИТВОР: Нино Васев и Нехат Нухи одат во Шутка поради случајот Онкологија
ИМАЛО ДИСЦИПЛИНСКИ ПРЕКРШУВАЊА: Предложено е разрешување на обвинителот Мустафа Хајрулахи и казна за Јован Цветановски
МЕРКО Е ВИНОВЕН И ТРЕБА ДА ПЛАТИ 10 ИЛЈАДИ ЕВРА: Струшкиот суд донесе пресуда за градоначалникот на Струга
Уапсено уште едно лице, го криел пиштолот на Палчо со кој се егзекутирани Вања и Панче
Петрушевски: Тепачката од Кочани е план за дестабилизација направен во Дубаи меѓу Заев и Филипче, целта е да се сее страв пред избори
„ОСЛОБОДИТЕЛНА ПРЕСУДА ЗА ПАЛЧО“: Адвокатот на Палевски, Јовица Страшески вели ОЈО не доставило доказ за да се докаже вината кај него, бара ослободување
