Обука за градежниот сектор за градење енергетски ефикасни објекти

Добивај вести на Viber

Милион евра од програмата ЦИП - Интелегентна енергија на Европската унија во наредните 18 месеци во Македонија ќе потрошат за спроведување на  проектот „Градење капацитети во градежната индустрија („Build up skills“) за подобрување на способностите за градење на енергетски ефикасни објекти. Целта на проектот е дефинирање на постојната состојба во градежниот сектор во однос на работните вештини кои ги имаат градежните работници за постигнување на целите зацртани во Стратегијата 20/20/20 на ЕУ и подобрување на капацитетите и конкурентноста на градежната индустрија во делот на градење на енергетски ефикасни и пасивни објекти. Носител е Стопанската комора на Македонија, заедно со Агенцијата за енергетика, Градежниот институт „Македонија“, Здружението на бизниси и консултанти „Креација“ и Факултетот за електротехника и информациски технологии -ФЕИТ. - Во претстојните 18 месеци ќе утврдиме каква е постојната ситуација во градежниот сектор и ќе направиме шема за отстранување на детектираните проблеми за да се создаде национална мрежа која ќе настојува да има поквалификувани работници во градежниот сектор за енергетски ефикасни објекти, изјави извршниот диектор на Стопанската комора на Македонија, Јелисавета Георгиева пред почетокот на првиот состанок на проектот. Државниот секретар во Министерството за економија Анче Труфунов посочи дека Владата преку Министерството за економија, како национален координатор им овозможи пристап на сите заинтересирани компании и институции до ЦИП програмата на ЕУ за конкурентност и иновации. - Станува зобор за програма која од 2007 до 2013 година нуди можност за пристап преку свои проекти до средства во износ од три милијарди евра. Денешниот проект стартува во делот од потпрограмата Интелегентна енергија во кој се вклучени 27. членки на ЕУ, Хрватска, Норвешка и Македонија, истакна Трифунов. Директорот на Агенцијата за енергетика на Република Македонија, Лазар Гечевски воедно и претседател на Насочувачкиот комитет рече дека во наредните 18 месеци ќе се насочи сите стандарди максимално да се имплементираат. - Во следните 18 месеци ќе гледаме максимално коректно да го импелементираме проектот што денеска започнува и да придонесеме за енергетската ефикасност во Македонија. Сакаме да достигнеме 9-процентна ефикасност на градежните објекти во 2018 година, 14,5-процентна до 2020, а до 2050 година се надевам дека ќе ги постигнеме неопходните проценти што ги предвидува ЕУ за нашата држава, рече Гечевски. Со проектот е предвидена ,доедукација и доквалификација на градежните работници за градба на енергетски ефикасни објекти