Обвинетиот за убиството на Немцов признал со сила

Добивај вести на Viber

Поранешниот чеченски полицаец, кој призна дека учествувал во убиството на рускиот опозициски активист Борис Немцов, „веројатно го признал убиството при тортура“, изјавил за АФП член на Кремљскиот совет за човекови права, пренесуваат руски медиуми.

„Има причини поради кои мислиме дека Заур Дадаев го признал убиството при тортура“, изјавил Андреј Бабушкин, додавајќи дека видел „бројни повреди“ на телото на главниот осомничен за убиството за време на посетата во затворската  ќелија во Москва.

Заур Дадаев, поранешен заменик-командант на специјалниот полициски одред во Чеченија, беше обвинет во неделата заедно со Анзор Губашев кој работи за приватна фирма за обезбедување во Москва, за грозоморното убиство на критичарот на Кремљ Немцов. Тие, заедно со уште тројца осомничени остануваат во притвор.

Московскиот суд ги ислуша мажите кои се испитуваат согласно став од рускиот криминален законик, кој се однесува за убиства извршени за финансиска добивка, што е знак дека истражителите го сметаат убиството на Немцов како нарачка.

Но, Бабушкин изјавил дека Дадев му потврдил дека признал под притисок, откако беше уапсен во северниот кавкаски регион Ингушетија минатата недела. Дадаев тврди дека поминал два дена врзан и со вреќа на главата.

„Ми викаа цело време:„ Ти го уби Немцов, нели? „Јас им одговорив “не“ ги пренесува Бабушкин зборовите на Дадаев.

Убиството на неколку метри од Кремљ на Немцов, поранешен вицепремиер, кој стана жесток непријател на Путин, е најголемото убиство на опозициски лидер за време на 15-годишното владеење на Путин. 55-годишниот Немцов беше застрелан четири пати во грбот на 27 февруари додека одеше по мост во центарот на Москва заедно со неговата девојка. Убиството ја потресе опозицијата, која го обвини Путин во потиснување на неусогласеноста и Кремљ дека стои зад убиството на еден од последните критичари.

Инспекторите велат дека ја испитуваат и веројатноста тој да е убиен поради критиките кон учеството на Русија во украинскиот конфликт или како дел од планот за дестабилизација на земјата.