Обвинетиот Заур Дадаев признал: Немцов е убиен поради критиките за исламот

Добивај вести на Viber

Поранешниот заменик-командант на чеченскиот баталјон „Север“ од внатрешните сили кон руското МВР Заур Дадаев, кој беше уапсен заедно со другите осомничени за атентатот на рускиот опозиционер Борис Немцов на 27 февруари во Москва, фактички ја презеде вината како организатор на злосторството. Според него убиството е извршено поради повеќекратните изјави на овој политичар против муслиманите и нивната религија, пренесува „Росбалт“.

При објавувањето на веста за неговото апсење вчера судот информира дека Дадаев ја признал вината пред судот. Во судот тој не коментирал за прашањето на вината, а само побара фер судење според законот. Вториот  обвинет Анзор Губашев се изјаснил дека е невин.

Според извор на „Росбалт“ од органите на редот Дадаев изјавил дека во јануари оваа година дознал за работи правени повеќепати од Борис Немцов по реториката против муслиманите кои живеат во Русија, против пророкот Мухамед и самиот ислам. Како силен верник и човек Заур не успеал да го истрпи тоа.

„Всушност Дадаев признал дека е организатор на злосторството“, изјавил изворот на „Росбалт“. „Затоа нема смисла да чекаме некакви бучни изобличини за притвореникот во рамките на оваа истрага“.

Дадаев е голем верник муслиман кој бил шокиран од карикатурите на пророкот Мухамед во францускиот сатиричен весник „Шарли ебдо“, изјавил вчера претседателот на руската република Чеченија, Рамзан Кадиров.

Соработникот на Немцов од раководството на опозициската партија РПР-ПАРНАС Илја Јашин изјавил преку Фејсбук дека не верува дека опозиционерот е убиен поради критика на исламот, информира електронскиот весник „Газета“.

„Немцов никогаш не кажа лош збор за исламот. Тој беше човек апсолутно толерантен во религиозен план. Секако тој ги критикуваше терористите, кои ги застрелале вработените во редакцијата на „Шарли ебдо“ во Париз. Голем број на јавните личности, сепак го критикуваат далеку по сурово и на повисок глас. Немцов ги критикуваше убијците, но никогаш не кажа лош збор за исламот. Бидејќи верзијата според која демек токму Немцов е огорчен од најсилните радикални исламисти во Русија, не подлегнува на никаква критика“, тврди Јашин.