Обвинителството отвори случај „Феникс“: Повеќе од 16 милиони евра биле префрлени на лажна леарница за споменици
Објавено во: Економија 30 Јуни, 2023
По апсењето на поранешниот градоначалник на Општина Центар, Владимир Тодоровиќ, Обвинителството за гонење организиран криминал и корупција, отвори случај „Геникс“, во кој 16.136.150 за леење на споменици од „Скопје 2014“ им биле дадени на италијански леарници кои работата ја завршиле за многу помалку пари.
Обвинителството рече дека за седум лица се предложени мерки притвор, а Тодоровиќ е осомничен за злоупотреба на службената положба, заедно со поранешен премиер и вицепремиер, како и вработени во Општина Центар.
Станува збор за 11 споменици, еден од тие е Воин на Коњ и други десет споменици, кои се изработени од правно лице од Италија. како што рекоа од Обвинителството, таму има „Лавови, Даве Груев, Гоце Делчев, Никола Карев, Ченто, Цар Самоил, Јустинијан, Гемиџии, Основачи на ВМРО-ДПМНЕ“ кои се во сопственост на Општина Центар како меморијални споменици.
Парите се примени од Министерството за култура како капитални дотации. Осомничените лица одбрале леарница, која самостојно не ги исполнувала условите, а биле исфрлени другите понуди за леење на спомениците. осмоосомничен е италијански државјанин, кој ја дал понудата иако немал фирма за дејност леење. Со поддоговори сумата била пренесувана на други леарници со пониски цени, а прикажувал дека тој леел
Голем дел од оваа сума се враќала во Македонија и била подигнувана во готовина а потоа префрлувана на сметките на други правни лица. Текот на парите бил прикриван со конверзија
„Истрагата е во тек но треба јавноста да биде запознаена. Дел од осомничените се лишени од слобода и Обвинителство има предлог мерки притвор за одреден број на лица и замрзнување на имот - на недвижности, удели и банкарски средства. Неколку претреси се извршени заради спречување на понатамошно оттуѓување“, рекоа од ова Обвинителство.