ОБВИНУВА ЗА НЕЧЕСНА ИГРА: Jaкимовски поднесе кривична против непознат сторител за ставањето на неговото име на „црната листа“

Добивај вести на Viber

Првиот човек на Општина Карпош и претседателски кандидат Стевчо Јакимовски денеска до Основното јавно обвинителство за гонење организиран криминал и корупција поднесе кривична пријава против непознат сторител во врска со ставањето на неговото име на „црната листа“ на американскиот Стејт департмент.

Бара да се спроведе истрага и кажа дека е подготвен да одговара пред кој било истражен орган вклучувајќи ги и тие на Соединетите Американски Држави(САД) и посочи дека има граѓани на земјава без да ги спомне нивните имиња, за кои смета дека се одговорни, како што вели, за целата подготовка околу оваа операција за нивно директно вмешување во изборната трка за претседател.

„Нема да попуштам пред неправдата и пред сите оние што се организирале за да направат нечесна игра и грубо мешање во изборот на претседател во Република Македонија и ќе истраат максимално. Поднесов кривична пријава против Н.Н. сторител до ЈО оддел за организиран криминал и корупција и во исто време побарав средба во Обвинителството. Имам да им соопштам одредени сознанија кои јас ги имам. Во исто време стојам на располагање за што било да разговараме“, рече Јакимовски,

Претходно, тој кажа дека поради анкетите ова му се случува и тврди дека ќе влезе во вториот круг.

Инаку, заедно со него, истиот ден на црната листа на САД се најде и екс специјалната јавна обвинителка, Катица Јанева.