Од денеска на сила делумна забрана за движење во шуми
Објавено во: Македонија 08 Август, 2019
Воведена е делумна забрана за движење во шума.
Забраната важи од денеска, и тоа за периодот од 6 до 20 часот и ќе трае до нејзиното отповикување.
На барање на ЈП „Национални шуми“, министерот за земјоделство, шумарство и водостопанство, Трајан Димковски, воведе делумна забрана за движење во шума, во шумите со кои стопанисува ЈП „Национални шуми“.
Одлуката е донесена со оглед на зголемената опасност од појава на пожари на отворен простор поради високите температури кои се најавуваат во летниот период.
Од граѓаните се бара внимание при движење во шума и избегнување на сите активности што можат да предизвикаат пожар.