Од понеделник нови цени на бензинот и нафтата

Добивај вести на Viber

Регулаторната комисија за енергетика треба да ги соопшти цените по кои од вторник на полноќ ќе ги полниме резервоарите на нашите возила. Цената на суровата нафта се задржа во средата на лондонската берза околу 103 долари за барел, и покрај неочекуваниот пораст на залихите на нафта во САД и намалените прогнози за раст на светската побарувачка за нафта. Цената на барел сурова нафта на берзата во Лондон во средата најнапред падна на 102,23 долари, но потоа закрепна на 103,33 долари. На 3 јуни кога Регулаторанта комисија за енергетија ја одредуваше последната цена на нафтените деривати, цената на суровата нафта на светските берзи беше 102.125 долари за барел. Тогаш малопродажните цени на ЕУРОСУПЕР БС-95 и ЕУРОСУПЕР БС-98 се зголемија за 1 денар по литар  во однос на цените утврдени согласно Одлуката од 20 мај. Така цената на ЕУРОСУПЕР БС-95 во моментов се точи за 80,00 денари за литар, а на ЕУРОСУПЕР БС-98 за 81,50 денари. Малопродажната цена на  ЕУРОДИЗЕЛ (Д-Е V) не се промени па на бензинските пумпи се точи за 67,5 денари за литар.