ОД ВЕЧЕРВА СНЕГ И ПО ГРАДОВИТЕ И СУВ СТУД: Температурите ќе се спуштат и до -10, прогнозира Попоски

Добивај вести на Viber

Метеорологот Славчо Попоски апелира внимателно возење на планиските превои каде што снегот ги прекри патиштата. Поризично е на Ѓавато од каде што Попоски објави и видео.

-Има обилни врнежи од снег и значителна снежна покривка! Снежните врнежи продолжуваат, а снежната граница ќе се спушта се пониско, особено утре навечер и ноќта кон вторник кога на повеќе места очекуваме снег, апелира метеопрогнозерот!

Следува понатамошно спуштање на студената воздушна маса од Арктикот кон Македонија.

Во текот на утрешната вечер, и ноќта кон вторник врнежи од снег со слаб до умерен интензитет ќе има на повеќе места низ Македонија, па така понекаде и во градовите се очекува формирање на мала снежна покривка. 

На планините и на Скијачките центри очекуваме формирање на позначителна снежна покривка (до вторник наутро и до 20 сантиметри, понекаде и повеќе).

Од вторник ни следува сув студ, а температурите наутро понекаде ќе се спуштат  и до -10 степени. Преку ден останува многу студено со температури кој на повеќе места ќе се задржат околу или малку над нулата. Понекаде тие ќе останат и под нулата.

Во Скопје исто така очекуваме провејување на снег, особено во повисоките предели од котлината и на околните планини.

Сето ова ќе биде проследено и со северен ветер кој повремено ќе биде засилен на интензитет. Пред нас е значително постуден период и вистинска зима, вели Попоски.