Одобрена е финансиска поддршка за филмските работници, други уметници и културни работници
Објавено во: Економија, Корона Вирус 26 Мај, 2020
На 57-та седница на Владата, одобрена е финансиска поддршка за филмските работници, други уметници и културни работници.
Владата денеска ја донесе Уредбата со законска сила за финансиска поддршка на филмските работници за време на вонредна состојба, како и Уредба со законска сила за финансиска поддршка на уметници и други физички лица кои вршат дејности и други активности во областа на културата за време на вонредна состојба за исплата на финансиски средства за месеците април и мај 2020 година, во месечен нето износ од 14.500 денари.