Оглас за закуп на 5670 хектари државно земјоделско земјиште
Објавено во: Агробизнис 20 Октомври, 2012
Министерството за земјоделство, шумарство и водостопанство денеска објави оглас за давање под закуп на 5.670 хектари државно земјоделско земјиште. Земјиштето се наоѓа во Струмица, Гевгелија, Делчево, Валандово, Пробиштип, Радовиш, Берово, Битола, Неготино, Крива Паланка, Штип, Крушево, Демир Хисар, Кичево, Охрид, Чаир, Кратово, Македонски Брод, Виница, Карпош, Гостивар и Тетово.
Право на учество имаат домашни физички и правни лица и странски правни лица. Физичките лица треба да се регистрирани вршители на земјоделска дејност и да се запишани во Единствениот регистар на земјоделски стопанства. Ако аплицираат трговци поединци, за нив услов е земјоделското производство или преработката на примарни земјоделски производи да им е претежна дејност, додека странските правни лица имаат право да учествуваат ако имаат регистрирано подружници во Македонија.
Земјиштето за подигање на маслинарници се издава на период до 50 години, а за долгогодишни насади (лозја, овоштарници, хмељ) и оранжерии за период до 30 години. За спортско-рекреативни активности и за рурален туризам, површините ќе се даваат под закуп до 30 години, а за рибници до 20 години. Земјиштето за одгледување на други земјоделски култури и за ливади ќе се дава под закуп на 15 години.
* Наградата се доделува на котирано друштво, избрано со гласање преку онлајн анкета на веб страниците на Берзата и интернет порталот „Фактор“, кој е партнер на Берзата во доделувањето на оваа награда. Гласањето се врши паралелно на двете веб страници и акцијата на издавачот што ќе има најмногу гласови од двете анкети збирно, ќе биде прогласена за Акцијата на годината по избор на јавноста за 2024 година.
Предмет на анкетата е листа од десет котирани акции, избрани врз основа на остварениот промет и транспарентноста во нивното работење.
