Ослободен Македонецот за брутален напад на богати старци во Виена

Добивај вести на Viber

Македонски државјанин вчера е ослободен од судот поради претепување на двајца старци и упад во нивниот дом во Виена поради немање докази, објавија австриски медиуми.

Се работи за двајца осомничени Македонци, од кои само едниот беше достапен за виенскиот регионален суд. 

Двајцата на 20 декември 2017-та со скеле упаднале во семејна куќа на двајца пензионери. Внатре била само 81-годишната жена и ја врзале за кревет додека и одзеле 900 евра и златен накит. На бегање се сретнале со 85-годишниот сопруг, кој ја водел својата парализирана ќерка од мозочен удар. Тој како поранешен чувар имал пиштол кај себе, но го спречиле да посегне по истиот и го удриле со дрвена летва.

Македонецот преку меѓународна потерница потоа е пронајден и уапсен во Бугарија, пред 24-годишникот да биде спроведен и предаден на правосудството во Австрија, додека другиот е во Македонија и според австриските медиуми молчел додека бил испрашуван од македонската полиција.

"Не ги тепам старите луѓе, јас не го сторив тоа" се бранел нашиот државјанин пред судијата. Бидејќи на местото на настанот не се пронајдени траги од ДНК, а исто така осомничените не може никој да ги идентификува, бидејќи надвор било темница, а во меќувреме на светло ги видела единствено старицата, која во меѓувреме починала.

 "Нема сигурни докази кои не би оделе во прилог на обвинетиот", констатирал судијата. Одлуката не е правосудна.

Обвинета е и поранешната чистачка на домот на двајцата старци, како и нејзиниот партнер. Таа му кажала дека работи кај многу богати старци, а овој ги ангажирал Македонците како нему познати по криминални активности.