26 Октомври, 2020
0.0216

ОСМАНИ Е ОПТИМИСТ ЗА ОДНОСИТЕ СО БУГАРИЈА - верувам во капацитетот на историчарите да најдат решение

Објавено во: Македонија 21 Септември, 2020

Јас не сум песимист за односите со Бугарија и се надевам дека историчарите како и досега ќе најдат заедничко решение, рече на денешната пресконференција министерот за надворешни работи Бујар Османи, на новинарското прашање каков е планот на земјава после Меморандумот на Софија и дали имаме конкретен план како ќе се приближат ставовите на двете земји во поглед на Гпоце Делчев, и како Бугарија да не ги блокира преговорите за членство на земјава во ЕУ

„Планот е точно предвиден и запишан во Договорот за добрососедство со Бугарија. Во тој Договор во челн 2 пишува дека Република Бугарија ќе ја поддржи евроатлантската интеграција на Република Северна Македонија и ние ќе настојуваме да се почитува тој договор, и затоа инсистираме целата комуникација да се одвива во рамката која го предвидува Договорот, бидејќи тоа е заеднички интерс на двете држави“, рече Османи. 

Тој нагласи дека додека двете траектории беа испреплетени, ниту имаше резултат во надминување на разликите во интерпретирањето на историските фигури, ниту имаше напредок во политичката и економската комуникација меѓу двете земји. 

„Откако Договорот воспостави ред во таа комуникација и историските прашања ги одвои и ги даде на историчарите, имаме резултат кај двете траектории. Веќе има договорен текст за неколку историски фигури и неколку историски периоди, кои веќе се предлагаат како консензуален текст на двете Влади за да можат да ги усогласат текстовите на учебниците. Тоа е формулата на успех. Кога политичарите коментираат историски теми, и обратно, копга историчарите се обидуваат да решаваат политички проблеми - тие ги блокираат двете траектории. Затоа нема да коментирам што треба историчарите да заклучлат врз основа на историските и научни документи. Наше е да создадеме предуслови врз основа на Договорот комисиите да работат непречено, за да преку добра воља и работа на паритетна основа, да дојдат до решенија и до точки на спојување и точки на заедничко одбележување, бидеќи иднината е во заедничкото спојување“, нагласи министерот. 

Прашан што ако комисијата не постигне решение, Османи нагласи дека не би прејудицирал, би оставил можност комисиите да се сретнуваат, да најдат заеднички јазик и да ги усогласат разликите во толкувањата. 

„Јас затоа не сакам да бидам песимист. Како што досега успеаја да изнајдат заеднички текст кој е прифатлив за двете страни за многу важни историски личности, така мислам дека ќе најдат и заеднички текст и за толкување на разликите и за другите историски личности на таа листа. Така што, сум оптимист и верувам во стручниот и научниот капацитет на нашите историчари да најдат заеднички теклст во тој дел“, потенцира Османи.

Н.Н.Ф. 

Можеби ќе ве интересира

Шкариќ: Уставот не предвидува дека седниците се одржуваат во пленарната сала

Шкариќ: Уставот не предвидува дека седниците се одржуваат во пленарната сала

Рекордни 22 починати од Ковид-19 за еден ден во Македонија

Рекордни 22 починати од Ковид-19 за еден ден во Македонија

Европратеникот Ковачев: Наместо „бугарскиот окупатор“, да пишува „бугарска администрација“

Европратеникот Ковачев: Наместо „бугарскиот окупатор“, да пишува „бугарска администрација“

Наќе Чулев со повик до граѓаните да го поддржат протестот на полицискиот синдикат во вторник

Наќе Чулев со повик до граѓаните да го поддржат протестот на полицискиот синдикат во вторник

Главната кичевска црква ќе инсталира видео-надзор против крадци на пари

Главната кичевска црква ќе инсталира видео-надзор против крадци на пари

Алијана за Албанците и Алтернатива предлагаат анкетна комисија за работата на Комисијата за инфективни болести

Алијана за Албанците и Алтернатива предлагаат анкетна комисија за работата на Комисијата за инфективни болести

Три пациентки починаа на Инфективно во Штип

Три пациентки починаа на Инфективно во Штип

Заев: Секој со еден мандат во ЦО ќе може да биде претседател на СДСМ

Заев: Секој со еден мандат во ЦО ќе може да биде претседател на СДСМ

Погребан Амди Бајрам во присуство на 300 лица

Погребан Амди Бајрам во присуство на 300 лица