ОСМАНИ НЕКА ЗБОРУВА ЗА ОПЕРАЦИИ И РЕНТГЕН НА АБДОМЕН, НЕ ЗА РАБОТИ ШТО НЕ ГИ РАЗБИРА: Тошковски прашува, „Како не му е срам?“

Добивај вести на Viber

Коментирајќи ја изјавата на шефот на дипломатијата Бујар Османи за лошата интепретација на документот, Панче Тошковски рече дека Османи не може да зборува за вакви работи, затоа што не ги разбира.  

„Човекот за операции нека зборува, нека зборува за рентген на абдомен, за тие работи може тој да разговара, не може разговара за ова и за тоа сме на ова дереџе на кое што сме…Не сакам да зборувам за правни аргументи. Она што го зборуваше Османи за член 18 од Уставот. Па тој нема право да зборува за член 18 од Уставот, тој не знае што пишува во членот и да го причита не знае да го разбере. Па не му е тоа работа нему, тој треба да оперира. Тој не треба да чита членови од Устав. Па како не му е срам. Сите експерти кои што разбираат уставно право излегоа кажаа луѓето. Доста со импровизации и со неписменост“,  рече Тошковски, алудирајќи на професијата на Османи, чија струка е лекар.

Според него, проблемот со пасошите може да се реши уште утре доколку пратениците ги поддржат законските измени за продолжување на важноста на пасошите со старото уставно име кои се валидни до крајот на годината.  

„Утре. Што сме денеска четврток. Ја ви гарантирам дека на 23 февруари, петок утре, наутро во 8 часот нека седнат пратенциите од СДСМ и ДУИ во Собрание, едно копче нека стиснат и состојбата се нормализира, граѓаните немаат мака“,рече Тошковски, одговарајќи на прашањето кога очекува да се реши проблемот со пасошите, во тв гостувањето на „Само интервју“ на Канал 5.