Османи носел документи во СЈО
Објавено во: Македонија 13 Октомври, 2018
Бујар Османи, актуелниот вицепремиер за евроинтеграции и преговарач со УЕ, соопшти дека дека изминатите денови собирал документација и истата како докази ја доставил до СЈО за да го расчисти својот случај во истрагата „Пациент“.
- Постојано до мене пристигнуваат бројни прашања, како од јавноста, така и од блиските, кои постојано ми даваат поддршка. Сакам да повторам дека шпекулациите за овој случај се вртеа и претходно. Во повеќе наврати барав СЈО да отвори истрага и да го расчисти случајот. Во таа смисла очекував да бидам повикан и да ги претставам фактите со кои располагам за да не се спомне моето име. Собрав изминатите денови голем број документација во која јасно се гледа дека нема индиции за противзаконско работење. Целата оваа документација е предадена во СЈО, а во наредниот период ќе бидат доставени и останатите документи. Од СЈО добив уверување дека овие документи се значајни и ќе му дадат нов тек на истрагата, така што сметам дека за брзо време ќе бидам ослободен од случајот - рече Османи на прес-конференција.
Тој додаде дека сака што побргу да се ослободи од сомнежите за да може посветено да работи на евроинтеграциите на Македонија.